02:51 28 May 2020
Efir
  • RUB121.10
  • EUR10637.67
  • USD9554.22
Dunyoda
Havola olish
80003

BMT vakili Devid Bizliga koʻra, agar hozir tayyorgarlik koʻrib harakat qilishni boshlamasak, unda bir necha oy ichida injilda koʻrsatilgani kabi koʻlamli ocharchilikka duch kelishimiz mumkin", - dedi u.

TOSHKENT, 22 apr - Sputnik. BMT Jahon oziq-ovqat dasturining (JOD) ijrochi direktori Devid Bizlining aytishicha, agar insoniyat oziq-ovqat xavfsizligini taʼminlamasa, koronavirus pandemiyasi tufayli katta ocharchilikka duch kelishi mumkin. Bu haqda RIA Novosti tashkilot veb-saytiga tayanib habar bergan.

"Agar hozir tayyorgarlik koʻrib harakat qilishni boshlamasak, unda bir necha oy ichida injilda koʻrsatilgani kabi koʻlamli ocharchilikka duch kelishimiz mumkin", - dedi u.

Bizli bunga yoʻl qoʻymaslik uchun bir qator chora-tadbirlarni taklif qilmoqda. U harbiy harakatlarning barcha ishtirokchilaridan insonparvarlik yordamiga toʻsiqsiz kirishni taʼminlashni, shuningdek, dunyo boʻylab insonparvarlik yordami yetkazib berilishini taʼminlaydigan logistika markazlari tarmogʻini yaratishga 350 million dollar sarmoya qilishni soʻradi.

"Avvalo, bizga tinchlik kerak", - dedi JOD rahbari.

Bizli, shuningdek, moliyalashtirish taqchilligini, savdoda uzilishlarni va ocharchilikka yoʻl qoʻymaslikning oldini olish muhimligini taʼkidlab, erta ogohlantirish tizimlari zarurligi masalasini koʻtardi.

"Vaqt biz tomonda emas, shuning uchun tez va oqilona harakat qilaylik", - deya xulosa qildi Bizli.

Avvalroq, JOD mutaxassislari 2020 yil oxiriga qadar dunyoda 130 millionga yaqin odam COVID-19 taʼsiri tufayli ochlikdan azob chekishini aytishgan.

Asosiy mavzular