02:57 14 Iyul 2020
Efir
  • RUB143.88
  • EUR11518.27
  • USD10194.96
Dunyoda
Havola olish
1089 0 0

AQSH Rossiya va Xitoyni oʻzining taʼsiri ostidagi yadro texnologiyalari bozorlaridan siqib chiqarishni va bu sohada dunyo yetakchisiga aylanmoqchi. Harbiy siyosatshunos Vashington oʻz rejasini amalga oshira olish-olmasligi borasida fikr bildirdi.

AQSH Energetika vazirligi Rossiya va Xitoyni yadro texnologiyalari bozorlaridan siqib chiqarishni maqsad qilgan yangi strategiyani eʼlon qildi. Agentlik saytida taʼkidlanganidek, AQSH ushbu sohada dunyoda yetakchi boʻlishi kerak.

"Oxir oqibat AQSH hukumati hozirda Rossiya va Xitoy davlat kompaniyalari ustunlik qilayotgan bozorlarga kirib, yadro energetikasi sohasidagi eng yaxshi texnologiyalarni, shuningdek, yadro qurolini tarqatmaslik boʻyicha qatʼiy standartlarni eksport qilish boʻyicha dunyoda bizning oʻrnimizni tiklaydi", -  deyiladi prezident Donald Trampga koʻrib chiqishi uchun taqdim qilingan hujjatda.

Energetika vazirligining rejasiga koʻra, Rossiya va Xitoyning "Sharqiy Yevropa va Afrikaning bir qator davlatlari" bilan mustahkam aloqalar oʻrnatishiga toʻsqinlik qilish kerak. Bundan tashqari, AQShning Yadroviy tartibga solish komissiyasiga "milliy xavfsizlikni taʼminlash uchun Rossiya va Xitoyda ishlab chiqarilgan yadro yoqilgʻisini import qilishni rad etish"ga ruxsat berish taklif etiladi.

RIA Novosti xabariga koʻra, bu "Rosatom" davlat korporatsiyasining "TVEL" yoqilgʻi kompaniyasiga tegishli boʻlishi mumkin. 2016 yilda "TVEL" Amerika atom elektr stantsiyalari operatorlaridan biri bilan oʻzining "TVS-Kvadrat" yadro yoqilgʻisini tajribaviy qoʻllanishi boʻyicha birinchi shartnomani imzolagan edi.

Harbiy siyosatshunos, Plexanov nomidagi REU Siyosatshunoslik va sotsiologiya kafedrasi mudiri Andrey Koshkin Sputnik radiosi efirida AQSH Energetika vazirligining pozitsiyasiga munosabat bildirdi.

“AQSH bugungi kunda sayyorada yetakchi boʻlish gʻoyasi uchun hamma narsani qilmoqda. U Rossiya va Xitoyni yadro texnologiyasi sohasidan siqib chiqarishga harakat qilmoqdalar. Ammo shuni tushunish kerakki, bugungi kunda bunday bayonotlar haqiqatni yoritolmaydi. AQSH imkoniyatlarni boy bermoqda va hamma joyda ham birinchi boʻlishga qodir emas. Buni biz hatto koronavirusga qarshi kurash natijalaridan ham koʻrishimiz mumkin - AQSH boshqa davlatlar uchun namuna emas. Boshqa sohalarda ham ular tashabbusni yoʻqotishmoqda. Ammo ular jahon miqyosida jandarm unvonini tasdiqlashga tayyor ekanliklarini isbotlovchi hujjatlar qolmoqda. Rossiya ham, Xitoy ham yuqori texnologiyali sohalarni juda muvaffaqiyatli oʻzlashtirishmoqda, AQSH esa ularga yetib ololmayapti. Bunday strategiyalarni yozayotganlarning harakatlarining barchasi, AQSH bir paytlar bir qutbli dunyo rejimida boʻlganligining tashviqot urinishiga taqaladi. Ammo bugungi kunda bu model qulamoqda", - deydi Andrey Koshkin.

Asosiy mavzular