09:51 01 Iyun 2020
Efir
  • RUB121.10
  • EUR10637.67
  • USD9554.22
Dunyoda
Havola olish
Saudiyalik jurnalist Jamol Xashoggining oʻldirilishi (9)
252 0 0

Taniqli saudiyalik jurnalist Xashoggi 2017 yildan AQShda istqomat qilgan va Washington Post nashrida ishlagan. U 2018 yilning oktyabrida Istanbuldagi Saudiya Arabistoni konsulligida oʻldirilgan edi.

TOSHKENT, 22 may – Sputnik. Oʻldirilgan saudiyalik muxolif jurnalist Jamol Xashoggining oʻgʻli Salox jumaga oʻtar kechasi oilasi otasining qotillarini kechirishini maʼlum qildi.

"Biz, haqiqat uchun halok boʻlgan Jamol Xashoggining farzandlari, bizning otamizni oʻldirganni kechirishimizni eʼlon qilamiz", - deb yozgan Salox Xashoggi Twitterda. U ushbu qaror musulmonlar uchun muqaddas boʻlgan Ramazon oyining oxirgi kechalaridan birida eʼlon qilinayotganini taʼkidlab oʻtgan. Xashoggining oʻgʻli ushbu satrlarga qoʻshimcha Qurʼondagi afv haqidagi oyatni keltirib oʻtgan.

Oldinroq Istanbul prokuraturasi Xashoggining oʻlimida aloqadorlikda ayblab, 2018 yilning oktyabr oyida Saudiya Arabistonining 20 nafar fuqarosiga sirtdan ayblovlar eʼlon qilgani haqida xabar berilgan edi.

Ularning orasida 18 nafari hukmni ijro etishda ayblanmoqda, prokuratura ular uchun umrbod qamoq jazosini talab qilgan.

Yana ikki kishi qotillikni tashkil etishda ayblangan, bu Saudiya Arabistoni merosxoʻr shahzodasi maslahatchilari - Saud al-Qahtoniy va umumiy razvedka rahbarining sobiq oʻrinbosari Axmad Asiriylardir.

Prokuratura ular uchun "oʻta shafqatsizlik bilan qasddan odam oʻldirish" moddasi boʻyicha qamoq jazosini soʻragan. Bosh prokuror imzosi tushirilgan ish sudga oshirilgan.

Jamal Xashoggi
© AP Photo / Jacquelyn Martin

Taniqli saudiyalik jurnalist Xashoggi 2017 yildan AQShda istqomat qilgan va Washington Post nashrida ishlagan. U 2018 yilning oktyabrida Istanbuldagi Saudiya Arabistoni konsulligida oʻldirilgan edi. Avvaliga saudiya hukumati uning konsullik binosi ichida izsiz yoʻqolganini rad etdi, ammo oradan biroz vaqt oʻtib video va audio yozuvlar paydo boʻlgach, Xashoggi konsullik xodimlari bilan yuzaga kelgan janjal oqibatida oʻldirilganini tan olishga majbur boʻlgan edi. Turkiya politsiyasi jurnalist jasadini haligacha topa olmadi.

Sal oldin Saudiya Arabistoni jurnalist qotilligida ayblanib besh kishi oʻlim jazosiga mahkum etilgani, yana uch kishi jinoyatni yashirganlik aybi bilan umumiy hisobda 24 yilga ozodlikdan mahkum etilgani haqida xabar bergan edi. Ayblovlar 11 gumondorga eʼlon qilingan boʻlib, yana uch kishi dalillar yetishmasligi tufayli ogohlantirish bilan qutilib qolgan.

Mavzu:
Saudiyalik jurnalist Jamol Xashoggining oʻldirilishi (9)

Asosiy mavzular