TOShKENT, 8-iyun — Sputnik. Rossiya mart oyida koronavirus epidemiyasi boshlangandan so‘ng to‘liq yopilgan chegarasini kirish va chiqish uchun qisman ochmoqda. Bu haqda Rossiya bosh vaziri Mixail Mishustin 8-iyun kuni ma’lum qildi, deya yozadi RIA Novosti.
Davolanish yoki yaqin qarindoshini parvarish qilmoqchi bo‘lgan chet elliklarga Rossiyaga kirishga ruxsat beriladi. Shuningdek, rossiyaliklar xorijga qarindoshlarini parvarish qilish, davolanish, ish va o‘qish uchun chiqishlari mumkin.
Tegishli farmonlarga imzo chekilgan. Biroq chegaraning ochilish sanasiga aniqlik kiritilmagan.
