02:25 25 Sentyabr 2020
Efir
  • RUB136.28
  • EUR12210.60
  • USD10315.62
Dunyoda
Havola olish
353 0 0

Tehron bosh prokurori soʻzlariga koʻra, Donald Tramp AQSH prezidenti lavozimidan ketishi bilanoq javobgarlikka tortiladi

TOSHKENT, 30 iyun — Sputnik. Eron Oq uy rahbari Donald Trampni hibsga olish boʻyicha order berdi. Prezident oʻz vakolatlarini topshirishi bilan javobgarlikka tortilishi rejalashtirilgan.

Bu haqda Eron bosh prokurori Ali Alkaziy Mehr bayonot qildi, deb xabar bermoqda IRNA.

Taʼkidlanishicha, amerika yetakchisidan tashqari, yana 35 kishi qidiruvga berilgan. Eron hukumati Interpoldan ushbu ishning ustuvorligi tufayli "qizil bildirish" qoʻyilishini soʻraganlar.

Shu bilan birga, gap aynan kim haqida borayotgani ochiqlanmagan.

Eron haqiqatan ham Trampni qidiruvga bergani haqidagi xabarni Interpol hozircha tasdiqlamagan.

Ekspertlar soʻzlariga koʻra, ushbu soʻroq qanoatlantirilishi ehtimoli juda kam. Interpolning oʻzi esa "Tashkilotga siyosiy, harbiy, diniy yoki irqiy xarakterdagi aralashuvlar yoki harakatlarni amalga oshirish qatʼiyan man etilganligiga" shama qilishgan.

Shu bois, bu turdagi soʻrovlar koʻrib chiqilmaydi, deya taʼkidlashgan Interpol vakillari.

Eslatib oʻtamiz, eronlik general Sulaymoniy amerikalik harbiylar hujumi oqibatida 3 yanvarga oʻtar kechasi Bagʻdodda oʻldirilgan edi. Uni yoʻq qilish haqidagi buyruq AQSH prezidenti Donald Tramp tomonidan shaxsan berilgan. U sal keyinroq Sulaymoniy amerika elchixonalarining birini portlatishni rejalashtirgani haqida maʼlum qilgan edi.

Asosiy mavzular