13:56 23 Sentyabr 2020
Efir
  • RUB136.28
  • EUR12210.60
  • USD10315.62
Dunyoda
Havola olish
408 0 0

Missiyaning asosiy maqsadi mamlakatga kirib kelishi mumkin boʻlgan virusga qarshi tayyorgarlik ishlarini olib borish, deya maʼlum qilgan hukumat gazetasi

TOSHKENT, 7 iyul - Sputnik. Butunjahon sogʻliqni saqlash tashkiloti koronavirus rasman yoʻq, deya qayd etilgan Turkmanistonda COVID-19 muammosi ustida ish boshladi. Bu haqda mamlakatning "Neytral Turkmaniston" hukumat gazetasi xabar berdi, deb yozadi RIA Novosti.

Mutaxassislar mamlakatga "Turkman avialiniyalari" charteri orqali yetib kelishgan. Missiyaning asosiy maqsadi mamlakatga kirib kelishi mumkin boʻlgan virusga qarshi tayyorgarlik ishlarini olib borish, deb yozgan gazeta.

Eslatib oʻtamiz, BMTning Turkmanistondagi vakolatxonasi rahbari Yelena Panova sal oldin Turkmanistonda koronavirus yoʻqligining ehtimoliy sabablaridan biri sifatida, mamlakat hukumati oʻz vaqtida safarlarga cheklov joriy etib, oʻz chegaralarini erta yopganligini koʻrsatgan edi.

Butunjahon sogʻliqni saqlash tashkiloti, yangi turdagi koronavirus infektsiyasi - COVID-19 tarqalishini 11 mart kuni pandemiya, deb eʼlon qilgan edi. BSST taqdim etgan soʻnggi maʼlumotlarga koʻra, dunyoda koronavirus bilan bemorlanganlar soni 11,3 million nafarni tashkil etmoqda, 532 mingdan ziyod odam virus qurboniga aylangan.

Asosiy mavzular