14:38 23 Sentyabr 2020
Efir
  • RUB136.28
  • EUR12210.60
  • USD10315.62
Dunyoda
Havola olish
112 0 0

KXDR TIVning AQSH ishlari boʻyicha vakili Pxenyan Vashington bilan muzokaralar olib bormoqchi emasligini maʼlum qildi.

TOSHKENT, 7 iyul - Sputnik. Pxenyan Vashington bilan muzokaralar olib bormoqchi emas. Bu haqda KXDR TIVning AQSH ishlari boʻyicha vakili Kvon Chjon Gin maʼlum qildi, deya yozadi Shimoliy Koreya markaziy telegraf agentligi.

Nashr maʼlumotiga koʻra, Shimoliy Koreya TIV avvalroq KXDR-AQSH sammiti haqidagi “bevaqt” mish-mishlarga nisbatan oʻz pozitsiyasini aniq bayon qilgan. Tashqi siyosiy idora bayonotida AQSH KHDRga nisbatan “qasddan qatʼiy gʻarazli siyosatni” qoʻllayotgani, hech qanday yangi shartlarni taklif qilishga tayyor emasligi va ushbu mavzuni ichki siyosiy inqirozni hal qilish uchun ishlatayotgani, shuning uchun Shimoliy Koreya yuqori darajadagi muzokaralarda ehtiyoj sezmayotgani va ehtimoliy sammit haqidagi xabarlardan hayratda ekanligi aytilgan.

“Biz AQSH bilan yuzma-yuz uchrashish niyatimiz yoʻqligini yana bir bor ochiqchasiga taʼkidlaymiz”, - deyilgan bayonotda.

Avvalroq, koreyslararo munosabatlar keskinlashganidan soʻng, turli mamlakatlarning OAVlari va ekspertlari, shuningdek, baʼzi rasmiylar Shimoliy Koreya va AQSH oʻrtasida sammit oʻtkazish zarurligini va hatto mumkinligini ham taʼkidlashgan. Sammitni AQSH prezidentlik saylovlarigacha oʻtkazish umidini Janubiy Koreya yetakchisi Mun Chje In bildirdi. Shuningdek, 7-9 iyul kunlari AQShning KXDR boʻyicha maxsus vakili Stiven Bigan Janubiy Koreyaga tashrif buyurishi kutilmoqda.

AQSH va KXDRning tarixda birinchi sammiti 2018 yil 12 iyun kuni Singapurda boʻlib oʻtdi. Shundan soʻng AQSH prezidenti Donald Tramp va Shimoliy Koreya rahbari Kim Chen In oʻrtasida yana ikkita uchrashuv boʻlib, ulardan biri Pxanmunjomdagi qurolsizlantirilgan hududda boʻlib oʻtdi.

Teglar:
AQSH, KXDR

Asosiy mavzular