13:47 26 Sentyabr 2020
Efir
  • RUB136.28
  • EUR12210.60
  • USD10315.62
Dunyoda
Havola olish
71810

Fojia munosabati bilan Livanda uch kunlik motam eʼlon qilingan. Mamlakat prezidenti Mishel Aun ikki haftalik favqulodda holat eʼlon qilish uchun hukumatdan favqulodda yigʻilish oʻtkazishni soʻragan.

TOSHKENT, 5 avg - Sputnik. Beyrutda yuz bergan portlash oqibatida qurbonlar soni 78 nafarga yetdi, toʻrt mingdan ziyod inson jarohatlangan, deb xabar qilmoqda "Al-Jazira" Livan Sogʻliqni saqlash vazirligiga tayanib.

Shu bilan birga Livan hukumati qurbonlar soni oshishini kutmoqda, nega deganda koʻplab odamlar nom-nishonsiz yoʻqolgan hisoblanadi. Qulagan binolar ostidan esa jasadlarni olib chiqish ishlari davom etmoqda.

Xirosima va Nagasakiga oʻxshash

Dahshatli portlash Beyrut portida seshanba kuni kechasi yuz berdi. Seysmologlar portlash kuchini 4,5 ballik zilzilaga qiyoslashmoqda. Shaharning yarim binolari shikastlangan, kasalxonalar jarohatlanganlarga toʻlgan.

© Sputnik / Mixail Alayeddin
Vzrыv v Beyrute

Portlash yuz berishidan oldin kuchli qasir-qusur tovush eshitilgan, bir necha daqiqadan soʻng oq va qora tutun atrofni oʻragan, soʻngra osmonga alvon rang tutun koʻtarilgan.

Portdan bir necha kilometr masofada joylashgan uylarning oynalari portlash kuchidan koʻtarilgan toʻlqin oqibatida chilparchin boʻlgan. Odamlarning aksariyati turli tomonga sachragan oynalar boʻlaklaridan jarohat olgan.

Livan bosh vaziri Xassan Diyab portda olti yil davomida notoʻgʻri saqlangan 2750 tonna ammiak selitrasini portlash sababi sifatida keltirgan. Fojia tufayli Livanda uch kunlik motam eʼlon qilingan. Mamlakat prezidenti Mishel Aun ikki haftalik favqulodda holat eʼlon qilish uchun hukumatdan shoshilinch yigʻilish oʻtkazishni soʻragan.

Mixail Alayeddin
Vzrыv v Beyrute

Livan prezidenti va xalqiga Rossiya yetakchisi Vladimir Putin taʼziya bildirgan.

"Rossiya Livan xalqining qaygʻusiga sherikdir. Sizdan jabrlanganlarning oila aʼzolari va doʻstlariga hamdardlik va qoʻllab-quvvatlash soʻzlarimni, shuningdek, barcha jabrlanganlarga tezroq sogʻayib ketish tilaklarimni yetkazishingizni soʻrayman", - degan Putin.

​Qohiradagi Giza piramidalari Beyrutda yuz bergan fojiadan soʻng Livan xalqiga hamdardlik va qoʻllab-quvvatlov ramzi sifatida Livan bayrogʻi rangiga kirdi.

​Dunyoning eng baland binosi BAAdagi Burj-Xalifa ham "qardosh xalq bilan birdamlik ramzi sifatida" Livan bayrogʻi rangiga boʻyaldi.

Bu orada:

Livan maxsus xizmatlari besh oy burun Beyrut portidagi selitra tufayli trevoga urishgan.

"Milliy xavfsizlik Beyrut portida 12 raqamli angarda portlovchi moddalar saqlanishi munosabati bilan surishtiruv ishlarini boshlashni talab qilgan",- deb xabar bermoqda OTV telekanali maxsus xizmatlardagi oʻz manbasiga tayangan holda.

© Sputnik / Vissam Matta
Vzrыv v Beyrute

Taʼkidlanishicha, surishtiruvlar natijasida angardagi moddalar gʻoyatda xavfliligi aniqlangan.

Tramp munosabati

AQSH prezidenti Donald Tramp Livandagi portlashni "dahshatli hujum", deb atagan.

"Beyrutdagi katta portlashda koʻplab odamlar halok boʻldi, yuzlab odamlar ogʻir jarohat oldi. Biz qurbonlar haqiga duodamiz. AQSH Livanga yordam berishga tayyor", - deya bayonot bergan amerika yetakchisi.

© Sputnik / Mixail Alayeddin
Vzrыv v Beyrute

Tramp Beyrutdagi portlashni nega "hujum" deb hisoblashini tushuntirib oʻtgan.

"Portlash xarakteridan kelib chiqib aytish mumkin-ki, bu shunga oʻxshaydi. Men bir qancha ajoyib generallarimiz bilan uchrashdim, ular ham, aftidan shunday fikrda. Bu allaqanday ishlab-chiqarishdagi portlashga oʻxshamaydi", - degan Tramp.

"Ular bu hujum, qandaydir bomba boʻlgan, deya oʻylashayotganga oʻxshaydi", - deb qoʻshimcha qligan AQSH rahbari.

Butunjahon sogʻliqni saqlash tashkiloti 500 nafar jarohatlanganlar davolanishi uchun moʻljallangan preparatlarni, shuningdek, 500 kishilik jarrohlik toʻplamlarini Beyrutdagi portlashda jabrlanganlar uchun yubormoqda.

Bu haqda RIA Novostiga BSST vakili Inas Xamam maʼlum qilgan.

Zarurat tugʻilgan taqdirda, qoʻshimcha materiallar yuborilishi taʼkidlangan.

Beyrutdagi portlash tufayli neft narxi oʻsish tempi tezlashdi

Beyrut portidagi yuz bergan portlash va shundan soʻng Isroilning ushbu voqeaga aloqador emasligi haqidagi bayonotlari ortidan neft narxi oʻsish tempini tezlatdi. Bu haqda savdo maʼlumotlari dalolat bermoqda.

Moskva vaqti bilan 20.30 da Brent markasidagi shimoliy dengiz neft aralashmasining oktyabr fyucherslaridagi narxi 0,68%ga - bir barrel uchun 44,45 dollarga oshgan. WTI markasidagi neft uchun sentyabr fyucherslari 1,68%ga - bir barrel uchun 41,71 dollargacha qimmatlagan. Moskva vaqti bilan 18.10da, yaxni portlashga qadar Brent markasidagi neftning bir barrel uchun bahosi 44,23 dollar, WTI esa - 41,36 dollar boʻlgan.

Isroil Beyrutdagi portlashga aloqador emasligini maʼlum qildi

Isroil Livan poytaxtida yuz bergan hodisaga aloqador emas, bu haqda mahalliy telekanallardan biri Isroil davlatidagi manbaga tayangan holda maʼlum qilgan.

Ilgariroq Isroil armiyasi Beyrut porti boʻylab raketa zarbasi amalga oshirilganligi haqidagi xabar yuzasidan, RIA Novostiga, armiya chet el OAVlari xabarlariga izoh bermasligini maʼlum qilgan edi.

© Sputnik / Mixail Alayeddin
Vzrыv v Beyrute

Isroil Bosh vaziri Binyamin Netanyaxu Milliy Xavfsizlik Kengashi rahbari Meir Ben-Shabatga BMTning Yaqin Sharqda tinchlik jarayoni boʻyicha maxsus koordinatori Nikolay Mladenov orqali Isroil Livanga qanday yordam berishi mumkinligini soʻrashni buyurgan.

Avvalroq Mudofaa vaziri va Bosh vazir oʻrinbosari Beni Gants hamda tashqi ishlar vaziri Gabi Ashkenazi portda sodir boʻlgan kuchli portlashdan keyin xalqaro kanallar orqali Livan hukumatiga tibbiy gumanitar yordamni taklif qilishgani haqida xabar berilgan edi.

Asosiy mavzular