22:25 20 Sentyabr 2020
Efir
  • RUB137.65
  • EUR12194.82
  • USD10295.33
Dunyoda
Havola olish
114301

Muxbir soʻzlariga koʻra, huquq tartibot xodimlari odamlarni parlament binosidan uzoqlashtirish uchun koʻz yoshi keltiruvchi gazlardan foydalanishmoqda. Miting ishtirokchilari bunga javoban ularni toshboʻron qilmoqda.

TOSHKENT, 8 avg – Sputnik. Livan poytaxti Beyrut markazida parlament binosi oldida namoyishchilar va politsiyachilar ishtirokida ommaviy toʻqnashuvlar boshlandi. Tartibsizliklar davomida koʻz yoshi keltiruvchi gaz va toshlardan foydalanilmoqda, deb xabar qiladi RIA Novosti muxbiri hodisa joyidan.

Xabarga koʻra, 16.00 da hukumatga qarshi miting boshlangan. U darhol tartibsizliklarga aylanib ketgan.

Muxbir soʻzlariga koʻra, huquq tartibot xodimlari odamlarni parlament binosidan uzoqlashtirish uchun koʻz yoshi keltiruvchi gazlardan foydalanishmoqda. Miting ishtirokchilari bunga javoban ularni toshboʻron qilmoqda.

Huquq tartibot organlari vakillari xalq bosimi hamda toshboʻron tufayli ortga chekinmoqda. Hududga qoʻshimcha kuchlar jalb etilayapti.

Eslatib oʻtamiz, Livan poytaxti Beyrut shahrida 4 avgust kuni kechki vaqt dahshatli portlash yuz berdi. Livan Bosh vaziri Xassan Diabga koʻra, portlash Beyrut portida olti oy davomida kerakli tartibda saqlanmagan 2 750 tonna ammiak selitrasi tufayli yuz bergan.

Soʻnggi maʼlumotlarga koʻra, 154 kishi portlash qurboniga aylangan, 60dan ziyod odam bedarak yoʻqolgan. Minglab odamlar jarohatlangan. Beyrut gubernatori Marvan Abbud portlash oqibatida shahar 15 milliard dollar zarar koʻrganini maʼlum qilgan edi.

Asosiy mavzular