TOShKENT, 11 avg - Sputnik. Qirg‘iziston prezidenti Sooronbay Jeenbekov Bishkek shahri janubidagi bog‘ga koronavirus epidemiyasiga qarshi kurashishda katta hissa qo‘shgan barcha shifokorlar va ko‘ngillilar xotirasi sharafiga Adinay Mirzabekova nomini berishni taklif qildi.
Davlat rahbari matbuot xizmati u barpo etilgan bog‘ga tashrif buyurib, har bir davrning o‘z qahramonlari bo‘lishini ta’kidladi. Jeenbekovning so‘zlariga ko‘ra, bugungi kun qahramonlar - bu shifokorlardir.
"Zamondoshlar o‘z qahramonlari xotirasini abadiylashtirishga harakat qiladilar. Shuningdek, biz ham Adinayning xotirasi ko‘p yillar davomida saqlanib qolishini xohlaymiz. Ushbu bog‘ga kelgan har bir kishi bu qizga va bizning qahramon shifokorlarimizga hurmat bajo keltirishi kerak. Shifokor bo‘lishni orzu qilgan Adinay kasallik bilan kurashda ko‘ngilli bo‘lib old planda hayotini qurbon qildi. Men bunday qizni tarbiyalagan ota-onasi oldida bosh egaman", - prezident so‘zlaridan matbuot xizmati iqtibos keltirgan.
Yangi bog‘ning maydoni sakkiz gektardan oshadi. Bu yerda sport maydonchalari, velosiped yo‘laklari, 300 o‘rinli amfiteatr va tez yordam punkti mavjud. Barcha ishlar yakuniga yetdi, yaqin kunlarda bog‘ foydalanishga topshiriladi, deb xabar beradi davlat rahbarining matbuot xizmati.
21-yoshli Adinay Mirzabekova poytaxtdagi vaqtinchalik kasalxonalarning birida ko‘ngilli hamshira bo‘lib ishlagan. U 13-iyul kuni vafot etdi. O‘lim sabablari to‘laligicha o‘rganilmadi, ammo Sog‘liqni saqlash vazirligi dastlabki sabab sifatida ikki tomonlama pnevmoniyani ma’lum qildi. Prezident qizni vafotidan keyin "Erdik" medali bilan taqdirladi.
