22:28 29 Sentyabr 2020
Efir
  • RUB132.07
  • EUR12003.57
  • USD10321.21
Dunyoda
Havola olish
448 0 0

Rossiyaning Tojikistondagi elchixonasi nima uchun davlatlar oʻrtasida yer usti qatnovi hanuz yopiqligini aytdi

TOSHKENT, 13 avg - Sputnik. Rossiya va Tojikiston oʻrtasida avto-transport qatnovini tiklash muammosi juda dolzarb, dedi kecha oʻtkazilgan matbuot-anjumanida Rossiyaning Tojikistondagi elchixonasi konsullik boʻlimi boshligʻi Valeriy Katunkin. Sputnik Tojikiston xabari asosida.

"Rossiya va Tojikiston oʻrtasida yagona quruqlik chegarasi yoʻq. Chegaralar ikki suveren davlat - Oʻzbekiston va Qozogʻiston orqali oʻtadi. Va bu muammo (yer usti qatnovi - tahr.) haligacha hal qilinmadi", - dedi Katunkin.

Uning taʼkidlashicha, konsullik boʻlimi va elchixona avtokolonnalarni "yashil yoʻlak"dan Oʻzbekiston va Qozogʻiston hududlari orqali oʻtishi uchun barcha imkoniyatlarni ishga solmoqda.

Shu bilan birga, Katunkin Qozogʻistonda karantin rejimi 16 avgustgacha amal qilayotganini eslatdi.

"Qozogʻistonlik hamkorlarning maʼlum qilishicha, ular ushbu kolonnani oʻtkazib yuborishga deyarli tayyor. Ammo tibbiy koʻrsatkichlar nuqtai nazaridan va jinoiy vaziyat bilan bogʻliq toʻgʻridan-toʻgʻri xavfsizlikni taʼminlay olmaydilar. Chunki (yoʻllar-tahr.) uzunligi 1700 kilometrni tashkil etadi va u aholi kam yashaydigan va choʻl hududlari orqali oʻtadi", - dedi u.

Eslatib oʻtamiz, ijtimoiy tarmoqlarda Rossiya va Tojikiston oʻrtasidagi yer usti qatnovining tiklanishi haqidagi mish-mishlar tez-tez paydo boʻlmoqda. Shu bilan birga, elchixona hozircha bunday harakatning iloji yoʻqligini taʼkidlamoqda.

Asosiy mavzular