TOShKENT, 16 avg — Sputnik. AQSh prezidenti Donald Trampning ukasi Robert Tramp 72 yoshida vafot etdi.
"Yurakda og‘riq bilan ukam Robert bugun kechqurun vafot etganini ma’lum qilmoqchiman. U nafaqat ukam, balki eng yaqin do‘stim edi. Biz uni sog‘inib qolamiz, biroq yana u bilan uchrashamiz. U haqidagi xotira yuragimda abadiy qoladi. Robert, men seni yaxshi ko‘raman", - deb yozilgan prezident bayonotida.
Robert Tramp avvalroq Nyu-Yorkdagi shifoxonaga og‘ir ahvolda yotqizilgandi. AQSh prezidenti shifoxonada davolanayotgan ukasini 14-avgustda yo‘qlagandi.
Robert Tramp ilgari akasining Trump Organization nomli kompaniyasida boshqaruvchi lavozimida ishlagan edi.
