TOShKENT, 27 avg - Sputnik. Suriyada Rossiya va AQSh harbiylari avtotransporti to‘qnashuvi sodir bo‘ldi.
Voqea 25-avgust kuni ertalab, Suriya shimoli-sharqidagi derik aholi punkti yaqinida sodir bo‘lgan. Rossiya bronetrasnporteri AQSh zirhli mashinasiga urilishi oqibatida bir necha AQSh askarlari jarohatlangan.
Hodisadan so‘ng AQSh qo‘mondonligi va Rossiya mudofaa vazirligi orasida muzokaralar bo‘lib o‘tgan va voqea tafsilotlarini sir saqlashga kelishib olingan. Lekin voqea joyida olingan videolar internetda tarqalib bo‘lgan.
Eslatib o‘tamiz, bundan oldin ham bir necha bor Rossiya va AQSh patrullari orasida turli darajadigi to‘qnashuvlar bo‘lib o‘tgan edi. Aksariyat hollarda AQSh zirhli mashinalari Rossiya patruli yo‘nalishida paydo bo‘lib uning o‘tishiga to‘sqinlik qilar edi.
