08:00 24 Noyabr 2020
Efir
  • RUB136.69
  • EUR12344.73
  • USD10414.86
Dunyoda
Havola olish
302 0 0

"Detektor-BIO" bir vaqtning oʻzida toʻliq avtomatik ravishda havoda 86 xil virus va bakterial yuqumli qoʻzgʻatuvchilarni hamda toksinlarni aniqlashga qodir.

TOSHKENT, 27 avg - Sputnik. S.A.Zverev nomidagi Krasnogorsk zavodi (KMZ, "Rostex"ning “Shvabe” xoldingi tarkibida) "Armiya-2020" forumida havodagi viruslarni, shu jumladan COVID-19ni, aniqlaydigan Rossiyada birinchi apparatni, taqdim etdi, deb maʼlum qildi RIA Novosti bilan intervyuda korxona bosh direktori Aleksandr Novikov.

Uning soʻzlariga koʻra, "Detektor-BIO" tibbiy-biologik apparati nafaqat viruslar, balki bakteriyalar va toksinlar mavjudligini ham aniqlashga qodir.

"Bu RF SSVning N.F.Gamaleya nomidagi Epidemiologiya va mikrobiologiya ilmiy-tadqiqot markazi bilan qoʻshma ishlanmadir. Ushbu moslama yordamida havo namunalarini avtomatik ravishda tahlillash, patogenlar kontsentratsiyasi va boshqa omillarga qarab, 10 dan 30 minutgacha davom etadi", - dedi Novikov.

Ushbu qurilmaning davlat sinovlari iyun oyida yakunlandi, uning sertifikatsiyasi hozirda tayyorlanmoqda, shuning uchun unga buyurtmalar haqida gapirishga hali erta. "Ammo, bunga tayyorgarligimiz maksimal darajada va agar kerak boʻlsa, biz xaridor talab qiladigan hajmda ishlab chiqarishga tayyormiz. Muhimi, ushbu qurilma havodagi turli xil patogenlarga taʼsirchan boʻlishi, shuning uchun uni fuqarolik maqsadlarida ham, biologik xavfsizlikni taʼminlash uchun ham qoʻllash mumkin". - dedi zavod bosh direktori.

"Shvabe" xoldingi matbuot xizmatida RIA Novosti-ga tushuntirishlaricha, "Detektor-BIO" - bu noyob mahalliy ishlanma boʻlib, uning ichki bozorda analoglari yoʻq. "Rostex" va Rossiya Sogʻliqni saqlash vazirligi oʻrtasidagi texnologik hamkorlik doirasida "Shvabe" yetakchi ilmiy tashkilotlar tomonidan ishlab chiqarilgan biologik xavfsizlik ishlanmalarini va kichik va oʻrta biznesni jalb qilgan holda ishlab chiqarilgan mahsulotlarning prototiplarini sanoat koʻlamida ishlab chiqarish boʻyicha integratsion markazi vazifasini bajaradi.

"Detektor-BIO" bir vaqtning oʻzida toʻliq avtomatik tarzda 86 hil virusli va bakterial xarakterdagi yuqumli qoʻzgʻatuvchilarni, shuningdek atrof havodagi toksinlarni aniqlashga qodir. Tahlil ikki mustaqil usul orqali amalga oshiriladi - real vaqt rejimida polimeraza zanjiri reaktsiyasi va immunoflourestsentsiya usulida. Qurilma odamlar ommaviy toʻplanishi joylarida, ommaviy tadbirlar oʻtkazilishi paytida, infratuzilma inshoatlari, metro, aeroportlar, temir yoʻl vokzallari va transport-koʻchish uzellarida xavfsizlikni taʼminlashga moʻljallangan.

Asosiy mavzular