20:19 19 Sentyabr 2020
Efir
  • RUB137.65
  • EUR12194.82
  • USD10295.33
Dunyoda
Havola olish
90010

AQSH USS Seawolf maxfiy suv osti kemasini Norvegiya qirgʻoqlariga yuborish bilan "Kremlga signal" yubordi, deb yozadi Amerika OAVsi

Sputnik radiosi efirida amerikachi-olim Vladimir Batyuk, fikriga koʻra, amerikaliklar nimani namoyish etayotganliklarini aytib berdi.

AQSH Norvegiyaning Tromse shahri qirgʻogʻiga USS Seawolf dengiz suvosti kemasi yetib borganini va shu orqali "Rossiyaga signal" yuborganini eʼlon qildi, deb yozadi The Drive.

Nashrning taʼkidlashicha, bunday maʼlumotlarni oshkor qilish maxfiy suvosti kemalariga nisbatan qoʻllaniladigan taktikaga xos emas. Maqola mualliflari AQSH shu tarzda Rossiya hukumatiga maʼlum bir signal yuborayotganini taxmin qilishdi.

Shu bilan birga, xorijiy sharhlovchilarning taʼkidlashlaricha, Norvegiyadagi shaharning tanlanishi bejiz emas, chunki u Rossiya suvosti kemalarining taniqli marshrutlaridan biriga yaqin joylashgan.

Bundan tashqari, Tromsega Amerikaning yadro qurolini tashishga qodir oltita V-52N strategik bombardimonchilari yuborildi. Muallif Amerika harbiy qoʻmondonligining bu qadamini "Moskvaga toʻgʻridan-toʻgʻri qaratilgan signal" deb izohlagan.

Sputnik radiosi efirida Rossiya Fanlar akademiyasining AQSH va Kanada instituti bosh ilmiy xodimi, Siyosiy-harbiy tadqiqotlar markazi rahbari Vladimir Batyuk, gap Arktika uchun kurash haqida ketyapti degan fikrni bildirdi.

"Buyuk derjavalar oʻrtasida Arktika uchun kurash ketmoqda - global isish tufayli Arktikadagi muzlar erib Shimoliy Muz okeanining shelfidagi mineral resurslar yanada qulayroq boʻlib bormoqda. Bundan tashqari, dengiz yoʻllari, shu jumladan Shimoliy dengiz yoʻlidan ham foydalanish imkoniyatlari kengaymoqda. RF dengiz strategiyasiga muvofiq, u Rossiyaning nazorati ostida boʻlishi kerak, ammo amerikaliklar bunga qatʼiyan qarshi. Bundan tashqari, bu yerda etakchi derjavalarning xavfsizlik manfaatlari toʻqnashmoqda. Qitʼalararo ballistik raketalar parvozlarining eng qisqa yoʻllari Arktika orqali oʻtishini aytish kifoya, bu strategik bombardimonchilarga ham tegishli. Shuning uchun Arktikaning nima uchun muhimligi yaqqol. Bu yerda amerikaliklar eʼtiborni oʻzlarining pozitsiyalaridan voz kechishi niyati yoʻqligiga qaratishga urinmoqdalar", - dedi Vladimir Batyuk.

Seawolf dengiz osti kemasi va xuddi shu loyihadagi Connecticut va Jimmy Carter kemalari dastlab 1983 yilda Amerika suvosti kuchlarining asosiy tayanchiga aylanishi kerak boʻlgan koʻp maqsadli yadroviy suv osti kemalari sifatida yaratilgan. Sovuq urush tugaganidan soʻng, loyiha xarajatlarining oshishi va byudjetning qisqarishi AQSH dengiz kuchlarini ushbu turdagi 29 ta suvosti kemasini qurish rejasidan voz kechishga majbur qildi va uchta suvosti kemasi foydalanishga topshirilgandan soʻng ishlab chiqarish yopildi. Hozirda Seawolf tipidagi suv osti kemalari maxsus vazifalarni bajarish uchun ishlatiladi.

Asosiy mavzular