21:29 19 Sentyabr 2020
Efir
  • RUB137.65
  • EUR12194.82
  • USD10295.33
Dunyoda
Havola olish
310 0 0

Soʻnggi saylovlarda gʻolib chiqqan Chernogoriya muxolifati rahbari "Tarixiy va iqtisodiy aloqalar tufayli Rossiya yaxshiroq munosabatga loyiq" dedi.

TOSHKENT, 1 sen - Sputnik. Chernogoriya tomonidan Rossiyaga qarshi sanktsiyalarni qoʻllab-quvvatlash, bu xato boʻlgan, dedi "Chernogoriya kelajagi uchun" eng yirik muxolifat koalitsiyasi yetakchisi Zdravko Krivokapich RIA Novostiga.

"Biz kichik davlatmiz, qanchalik xohlamaylik, global darajada hech qanday taʼsirga ega emasmiz. Aytishadiku, kimdir oʻt oʻradi, kimdir suv tashiydi. (tahr. serb maqoli, maʼnosi: katta, kuchli erkaklar oʻt oʻradi, yosh bolalar yoki ayollar ularga suv olib keladi). Shuning uchun, bizdek kichik mamlakat birinchilardan boʻlib sanktsiya kiritishi mumkin emas", - dedi muxolift yetakchisi. 

Krivokapich aytishiga koʻra, sanktsiyalar birinchi navbatda Serbiyaning oʻzi uchun iqtisodiy yoʻqotishlarga olib keladi. 

Uning soʻzlariga koʻra, COVID-19 tufayli Chernogoriya oʻz chegaralarini Rossiya, Serbiya, Bosniya va Gertsegovina fuqarolari uchun bir oyga yopishi - xato boʻlgan. Aynan ushbu uch davlatlar fuqarolari Chernogoriyaga tashrif buyuradigan eng koʻp sonli turistlardir.

"Eslatib oʻtaman, biz Plantaze vinolarini eksport qilar edik, bizga kelayotgan turistlarning aksariyati esa serbiyaliklar, Bosniya va gertsogovinaliklar hamda rossiyaliklar edi", - dedi siyosatchi. 

Oldingi chiqishlarida Krivokapich "Rossiya tarixiy aloqalari hamda Serbiya iqtisodiyotiga qoʻshgan hissasi tufayli - yaxshiroq munosabatga loyiq" degan edi.  

Eslatib oʻtamiz, 30 avgust kuni Chernogoriyada saylovlar boʻlib oʻtdi. Dastlabki xabarlarga koʻra, muxolifat soʻnggi 30 yil ichida ilk bor hukumat boshida boʻlgan Sotsial-demokratik partiyadan va prezident Milo Jukanovichdan koʻra koʻproq ovoz olishga muvaffaq boʻldi. Dushanba kuni boʻlib oʻtgan saylovlar kuzatuvchilar tomonidan qonuniy deb topildi.

Shundan soʻng "Chernogoriya kelajagi uchun" koalitsiyasi yetakchisi Zdravko Krivokapich, URA muxolifat harakati Dritan Abazovich va "Demokratov" yetakchisi Aleks Bechich uchrashuv oʻtkazishdi va boʻlajak hukumat doirasida qanday hamkorlik qilishga kelishib olishdi.

 

Asosiy mavzular