23:43 24 Sentyabr 2020
Efir
  • RUB136.28
  • EUR12210.60
  • USD10315.62
Dunyoda
Havola olish
140 0 0

Tojikistonning amaldagi prezidenti bu yilgi saylovlarda ishtirok etadi. Emomali Rahmon nomzodini Tojikiston Xalq demokratik partiyasi ilgari surdi.

TOSHKENT, 3 sen — Sputnik. Tojikiston hukmron Xalq demokratik partiyasi oʻzining raisi, amaldagi davlat rahbari Emomali Rahmonni prezidentlikka nomzod sifatida koʻrsatdi. Bu haqda RIA Novosti xabar qilmoqda.

Rahmon nomzodini partiyasining navbatdan tashqari qurultoyida barcha ming nafar delegat bir ovozdan maʼqullagan. Qurultoy ishida mamlakat yetakchisi ishtirok etmagan. Oʻsha payt Rahmon Tojikiston Milliy gvardiyasining 25 yilligiga bagʻishlangan tantanalarda ishtirok etgan.

Avvalroq Emomali Rahmon Tojikiston Mustaqil kasaba uyushmalari federatsiyasi va respublika Yoshlar ittifoqi tomonidan prezidentlikka nomzod sifatida koʻrsatilgan edi.

Mamlakatning yettita siyosiy partiyasidan beshtasi oʻz nomzodi ilgari surgan: Rustam Latifzoda Agrar partiyasidan, Abduhalim Gʻafforov Sotsialistik partiyasidan, Saidjaʼfar Usmonzoda Tojikiston Demokratik partiyasidan, Rustam Rahmatzoda Tojikiston Iqtisodiy islohotlar partiyasidan nomzod qilib koʻrsatilgan.

Mamlakat Kommunistik partiyasi 5 sentyabr kuni boʻlib oʻtadigan qurultoyida oʻz nomzodini taqdim etadi.

Tojikiston Sotsial-demokratik partiyasi oʻz nomzodini qoʻymaslikka va prezident saylovlarini boykot qilishga qaror qildi.

Joriy yil 11 oktyabr kuni Tojikistonda navbatdagi prezident saylovlari boʻlib oʻtadi. Bu mamlakat Mustaqillikni qoʻlgan kiritgandan keyingi oltinchi prezident saylovlaridir. 1994 yildan boshlab barcha saylovlarda Rahmon gʻolib boʻlgan. Prezident yashirin ovoz berish yoʻli bilan yetti yilga saylanadi.

Asosiy mavzular