14:46 27 Sentyabr 2020
Efir
  • RUB136.28
  • EUR12210.60
  • USD10315.62
Dunyoda
Havola olish
COVID-19 umumjahon pandemiyasi (1165)
212 0 0

Hujjatga muvofiq, Bosh assambleya "COVID-19 pandemiyasi BMT tarixidagi eng ulkan global muammolardan biri ekanligini" tan oladi. Rezolyutsiya uchun 169ta davlat ovoz bergan. AQSH va Isroil qarshi chiqqan. Ukraina hamda Vengriya betaraflikni saqlagan.

TOSHKENT, 12 sen - Sputnik. BMT Bosh assambleyasi koronavirus pandemiyasiga qarshi kompleks kurash toʻgʻrisida rezolyutsiyani qabul qildi; hayotning epidemiya oʻz taʼsirini koʻrsatgan barcha jabhalari tilga olingan hujjatda COVID-19 - tashkilot tarixida eng ulkan muammolardan biri boʻlganligi aytib oʻtilgan.

Matnga muvofiq, Bosh Assambleya "COVID-19 pandemiyasi BMT tarixidagi eng ulkan global muammolardan biri ekanligini" tan oladi. Rezolyutsiya uchun 169ta davlat ovoz bergan. AQSH va Isroil qarshi chiqqan. Ukraina hamda Vengriya betaraflikni saqlagan.

BMT BA pandemiya jamiyat, iqtisodiyot, ish bilan taʼminlash, jahon savdosi, sayohat tizimi, qishloq xoʻjaligi, sanoat va savdo sohasidagi jiddiy silsilalar tufayli halokatli taʼsir koʻrsatayotganidan chuqur xavotir bildirmoqda.

Birinchi yarim yillikda byudjet xarajatlari 20%ga oshdi - moliya vaziri >>>

Bosh assambleya pandemiya oqibatlari ayollar, keksalar, yoshlar, kambagʻallar va ijtimoy nochorlar hayotlarida ogʻir aks-sado berayotganligini tan olgan. Shu bilan bir vaqtda, BMT Bosh Assambleyasi, hujjatga muvofiq, pandemiya bilan bogʻliq ravishda diskriminatsiya, nafratni qoʻzgʻash, irqchilik va ksenofobiya darajasi oshganidan tashvish bildirgan. Hujjat mualliflari ushbu holatlarga qarshi kurashishga chorlamoqda.

Povar gotovit v restorane v Parije yedu na vыnos
© AFP 2018 / FRANCK FIFE

Bundan tashqari, hujjatga imzo chekuvchilar pandemiya kontekstida, jumladan, internetdan foydalangan holda dezinformatsiya va propaganda tarqatilayotganidan tashvish bildirganlar.

"Bosh Assambleya BMT bosh kotibining butun dunyoda zudlik bilan oʻt ochishni toʻxtatish, shu jumladan, yordamlarni yetkazish uchun yoʻlaklarni tashkil qilish boʻyicha chaqiriqlarini qoʻllab-quvvatlaydi", - deyilgan hujjatda.

Hujjatda qayd etilishicha, BMT BA hukumatlar va fuqarolik jamiyatlarini pandemiyaga qarshi kurash doirasida javob choralarini qabul qilishga chorlamoqda. Gap, xususan, sogʻliqni saqlash va ijtimoiy qoʻllab-quvvatlash tizimlarining mustahkamlanishi haqida bormoqda.

Oʻzbekistonning bironta fuqarosi oʻz holiga tashlab qoʻyilmaydi – Mirziyoyev >>>

Rezolyutsiyada aytilishicha, Bosh Assambleya barcha mamlakatlarga pandemiyaga qarshi kurashish uchun sifatli, xavfsiz, samarali va arzon narxdagi diagnostika, terapevtik vositalar, dorilar va vaktsinalardan toʻsiqsiz foydalanish imkoniyatini berishga chaqiradi.

Mavzu:
COVID-19 umumjahon pandemiyasi (1165)

Asosiy mavzular