23:17 29 Sentyabr 2020
Efir
  • RUB132.07
  • EUR12003.57
  • USD10321.21
Dunyoda
Havola olish
198 0 0

2019/2020 yil oʻquv yilida Rossiyada 298 ming nafarga yaqin xorijlik talaba tahsil olgan. Ularning aksariyati Qozogʻiston, Oʻzbekiston, Turkmaniston, Xitoy, Tojikiston, Ukraina, Hindiston, Belarus, Ozarbayjon va Qirgʻiziston fuqarolaridir.

TOSHKENT, 14 sen — Sputnik. Rossiya oliy taʼlim muassasalariga oʻqishga qabul qilingan chet ellik birinchi bosqich talabalar sentyabr oyida Rossiyaga hududiga kirishlari mumkin. Bu haqda Rossiya taʼlim va ilm-fan vaziri Valeriy Falkov maʼlum qildi.

Gap sentyabr oyida chegaralari ochiq boʻladigan davlat fuqarolari haqida bormoqda.

“Biz sentyabrda birinchi bosqich talabalari uchun Rossiya Federatsiyasiga belgilangan algoritm boʻyicha kirish imkoniyatini ochamiz, lekin faqat ochiq boʻlgan mamlakat fuqarolari uchun”, - dedi Falkov “Yedinaya Rossiya” rayosati yigʻilishida. Uning soʻzlaridan RIA Novosti iqtibos keltirgan.

Rossiyalik vazirning soʻzlariga koʻra, davlat hokimiyati federal organlari, subʼyektlar va OTMlari xatti-harakatining maxsus algoritmi ishlab chiqilgan. Uning yordamida Rossiyaga 25 ming nafar atrofida birinchi bosqich talabalari kirishi mumkin. Shu hafta uni maʼqullash rejalashtirilmoqda.

2019/2020 yil oʻquv yilida Rossiyada 298 ming nafarga yaqin xorijlik talaba tahsil olgan. Ularning aksariyati Qozogʻiston, Oʻzbekiston, Turkmaniston, Xitoy, Tojikiston, Ukraina, Hindiston, Belarus, Ozarbayjon va Qirgʻiziston fuqarolaridir.

Shu bilan birga Rossiya hozircha faqat Turkiya, Buyuk Britaniya, Tanzaniya, Shveytsariya, Misr, BAA va Maldiv bilan aviaqatnovlarni tiklagan.

Avvalroq Rossiya tashqi ishlar vaziri Sergey Lavrov chet ellik talabalarning Rossiyaga qaytishi oy oxiriga qadar muayyan boʻlishini maʼlum qilgan edi.

Asosiy mavzular