14:10 23 Oktyabr 2020
Efir
  • RUB133.19
  • EUR12153.63
  • USD10371.76
Dunyoda
Havola olish
23110

AQSH prezidentining maxsus vakili Marshal Billingsli AQSH yadro qurolini Yevropadan olib chiqmasligini maʼlum qildi.

TOSHKENT, 21 sen — Sputnik. AQSH Rossiya bilan har qanday taklif qilingan mavzularni muhokama qilishga tayyor, ammo Yevropadan yadro qurolini olib chiqmaydi, dedi AQSH prezidentining maxsus vakili Marshal Billingsli "Kommersant" gazetasiga bergan intervyusida.

AQSH yadro qurolini Yevropadan olib chiqishga tayyormi yoki yoʻqmi degan savolga u: "Yoʻq, biz buni qilmaymiz. Ammo Rossiya biz bilan gaplashmoqchi boʻlgan hamma narsani muhokama qilishga tayyormiz" dedi.

"Biz Rossiya tomonining pozitsiyasini oʻta jiddiy qabul qilamiz va oʻzaro manfaatli masalalar, shuningdek tomonlardan birini tashvishga soladigan masalalar boʻyicha professional muloqot oʻtkazishni muhim deb bilamiz. Shuning uchun shak-shubhasiz biz Rossiya bilan NATO haqida va alyans aʼzolariga berilgan yadroviy tiyib turish kafolatlarimiz toʻgʻrisida gaplashishga tayyormiz. Ammo biz yadroviy qurolni, u saqlanadigan biron bir joyidan olib chiqmaymiz. Rossiya Federatsiyasidan ham shuni talab qilmaymiz. Biz Rossiya hukumatidan Kaliningraddan barcha yadro qurollarini olib chiqishini yoki shunga oʻxshash narsalarni qilishni talab qilmayapmiz", - dedi Billingsli.

Venada 17-18 avgust kunlari RF va AQSH oʻrtasida strategik barqarorlik va qurollarni nazorat qilish boʻyicha maslahatlashuvlarning navbatdagi raundi boʻlib oʻtdi. Delegatsiyalarga Rossiya tashqi ishlar vazirining oʻrinbosari Sergey Ryabkov va AQSH prezidentining qurol nazorati boʻyicha maxsus vakili Marshal Billingsli boshchilik qilishdi. Natijada Ryabkovning soʻzlariga koʻra, muzokaralarda Amerika tomoni SNV-3ni uzaytirish imkoniyati yoʻqligini namoyish qildi, Vashington bu niyatini qayd etishga tayyor emas.

Strategik hujumkor qurollarni qisqartirish toʻgʻrisidagi shartnoma (SNV-3) - Rossiya va AQSH oʻrtasida qurollarni cheklash boʻyicha amaldagi yagona shartnoma hisoblanadi. U 2021 yil 5 fevraldan keyin oʻz faoliyatini toʻxtatadi. Ilgariroq Rossiya prezidenti Vladimir Putin dastlabki shartlarsiz shartnomani besh yilga uzaytirishni taklif qilgan edi. Shu vaqt AQSH administratsiyasi turli darajalarda Rossiya, Xitoy va AQSH oʻrtasida yangi uch tomonlama yadroviy bitim boʻyicha muzokaralar olib borish uchun muzokaralarga Xitoyni qoʻshish zarurligini taʼkidlamoqda. Pekin bu fikrni rad etmoqda.

Asosiy mavzular