18:14 21 Oktyabr 2020
Efir
  • RUB133.19
  • EUR12153.63
  • USD10371.76
Dunyoda
Havola olish
85710

Putin BMT - xalqaro hamkorlik tizimi uchun insoniyat 75 yil oldin ulkan narx toʻlanganini va Rossiya uni saqlab qolish uchun oxirigacha kurashishini bildirdi.

Masofaviy tartibda boʻlib oʻtayotgan BMT Bosh Assambleyasining 75-yubiley sessiyasi, rahbarlarning odatiy chiqishlariga qaraganda, kutilmaganda koʻra tahlil uchun koʻproq maʼlumot berdi. Davlat rahabarlari suratga olingan muhitning oʻzida ham bir talay ramziy maʼno bor.

Dunyo auditoriyasida, albatta, planetaning eng kuchli uch nafar rahbarlari chiqishi eng katta qiziqish uygʻotdi.

Donald Trampning chiqishi – koʻproq yana bir saylovoldi tadbirini eslatdi. AQSH prezidenti oʻzining nafaqat Xitoyga qarshi qaratilgan tashqi siyosatini, balkim umuman Amerikaning BMTga boʻlgan mensimaslik va takabburligini namoyish etdi.  

Tramp Oq uyning odatiy koʻrinishida, AQSH va amerika prezidenti bayrogʻi yonida, va ushbu murojaat xalqaro auditoriyaga qaratilganini anglatadigan birorta belgi boʻlmagan muhitda nutq soʻzladi.

Amerika rahbari oldin bir necha bor oʻz davlati BMTning eng yirik moliya manbai ekanini, demak u Vashingtonga boʻy sunishi kerakligini va uning buyruqlarini bajarishi kerakligini aytib oʻtgan edi. Albatta AQShning oldingi prezidentlari ham shunday oʻylagandi, lekin Tramp birinchi boʻlib buni baralla eʼlon qildi. Ustiga ustak, agar BMT AQShning gapiga kirmasa nima boʻlishi aytib poʻpisa ham qilgan edi...

Rossiya OAVlari qayd etishiga koʻra, amerika prezidenti oʻz nutqida biror marotaba ham Rossiyani tilga olmagan. Xitoy nomini boʻlsa 12 marotaba aytib oʻtgan. Tramp nutqining asl maqsadi ham ana shunday – mutlaq Xitoyga qarshi qaratilgan, janjalkash ruhda boʻldi. U koronavirusni “Xitoy virusi” deb atadi va uning dunyoga tarqalishi uchun Pekinni jazolashni talab qildi.

BMTning mavjud anʼanalari va qoidalariga zid boʻlgan AQSH prezidentining nutqi Xitoy uchun kutilmagan yangilik boʻlmadi. BMTdagi Xitoy vakili Chjan Tszyun  unga tezkorlik va topqirlik bilan javob qaytardi.

Si Tszinpin nutqi odatiy vazminlik bilan, hozirgi zamonning eng oʻtkir muammolariga va birinchi navbatda COVID-19ga qarshi kurash choralariga bagʻishlangan boʻldi.

XXR rahbari buyuk Xitoy devori va Xitoy tabiatining betakror chiroyli manzaralari fonida nutq soʻzladi. Bu bilan Si Tszinpin nimaga shama qilayotganini tushunish qiyin emasdi: uning ortida har qanday tashqi chaqiriqqa javob berishga qodir boʻlgan, ulkan va qadimiy mamlakat turibdi.

AQSH va Xitoy rahbarlari chiqishlaridan farqli oʻlaroq, Rossiya rahbarining nutqi eng anʼanaviy koʻrinishda boʻldi. Bu Putin koʻtargan hozirgi zamonning chuqur ildizli muammolardan tortib uning ortida turgan BMT  bayrogʻigacha aks etdi. Nutqning oʻzi ham xalqaro tadbirlarga xos – faqat qogʻozda yozilgan matnni oʻqish shaklida boʻldi.

Rossiya rahbari Yer sharida strategik barqarorlikni saqlash, tarixni boʻlgʻashga yoʻl qoʻymaslik, qurol-aslahalarni nazorat qilish, koronavirusga qarshi xalqaro hamjamiyat kollektiv boʻlib kurashishi haqida boʻldi.

Maʼno jihatdan ham, koʻrinish jihatdan ham bu dunyoning tobora xaosga tushib ketayotganini kuzatib turgan davlat rahbari emas, vaziyat eng yomon tus olishiga qrashi kurashayotgan rahbarning soʻzi boʻldi.

Putin dunyoda 75 yildan buyon mavjud boʻlgan xalqaro hamkorlik tizimi uchun insoniyat ulkan narx toʻlanganini  yana bir bor eslatib oʻtdi. Ushbu tizim uchun oʻz vaqtida eng katta hissa qoʻshgan Rossiya, har doim planeta ishongan sogʻlom fikr va barqarorlik oroli sifatida saqlanib qolishini bildirdi.  

Asosiy mavzular