22:59 20 Oktyabr 2020
Efir
  • RUB133.19
  • EUR12153.63
  • USD10371.76
Dunyoda
Havola olish
63601

“Tasnim” agentligi Togʻli Qorabogʻdagi qurolli toʻqnashuvlarda uchirilgan bir necha snaryad Eron hududiga tushganini xabar qilgan edi. Natijada 6 yoshli bola jarohat olgan.

TOSHKENT, 7 okt — Sputnik. Eron Boku va Yerevan hukumatlariga mamlakat hududi boʻylab tasodifan snaryad va raketa tushganligi munosabati bilan rasmiy norozilik notalarini yoʻlladi. Bu haqda Eron TIV rasmiy vakili Said Xatibzoda maʼlum qildi.

“Eron TIV Ozarbayjon va Armanistonga mamlakatimiz hududi boʻylab tasodifan snaryad va raketa tushganligi munosabati bilan rasmiy qatʼiy norozilik notalarini yoʻlladi”, - dedi rasmiy vakil. Uning soʻzlaridan Eron TIV tashqi siyosiy idorasi matbuot xizmati iqtibos keltirgan.

Xatibzoda Tehron hech qanday holatlarda oʻz fuqarolarining hayotiga beparvolik bilan qaramasligini qoʻshimcha qildi.

“Har ikki tomonni <...> Eron suvereniteti va hududiy yaxlitligini hurmat qilishga va bunday yoʻl qoʻyib boʻlmaydigan harakatlarning oldini olish uchun zaruriy choralar koʻrishga chaqiramiz”, - dedi u.

5 oktyabr kuni “Tasnim” agentligi Togʻli Qorabogʻdagi qurolli toʻqnashuvlarda uchirilgan bir necha snaryad Eron hududiga tushganini xabar qilgan edi. Agentlik maʼlumotlariga koʻra, ular Eron shimolidagi chegara yaqinida joylashgan Xoda-Ofarin aholi punktidan uzoq boʻlmagan joyga tushgan. Natijada 6 yoshli bola jarohat olgan. Shuningdek, bir necha xonadon va qishloq xoʻjaligi mulklariga zarar yetgan.  

Asosiy mavzular