21:40 29 Oktyabr 2020
Efir
  • RUB136.11
  • EUR12285.78
  • USD10359.88
Dunyoda
Havola olish
739 0 0

Qirgʻiziston parlamenti deputatlari prezident Jeyenbekovga nisbatan impichment jarayonini boshlash uchun ovoz toʻplashni boshladi.

TOSHKENT, 8 okt - Sputnik. Qirgʻiziston parlamentida prezident Sooronbay Jeenbekovga nisbatan impichment jarayoni boshlandi, deb xabar qilmoqda Sputnik Qirgʻiziston. 

"Deputatlarning bir qismi impichment uchun imzo chekdi. Bu juda murakkab jarayon, lekin u boshlandi deyish mumkin", - dedi "Ata-Meken" partiyasi deputati Kanыbek Imanaliyev. 

Qirgʻiziston qonunchiligiga koʻra, prezidentni lavozimidan boʻshatish jarayonini boshlash uchun amaldagi parlament deputatlarining uchdan bir qismidan koʻpi ovoz berishi kerak. Shundan soʻng maxsus komissiya qaror qabul qiladi. Uch oy ichida parlamenda ushbu masala koʻrib chiqiladi va  deputatlarning 3/2 qismining ovozi bilan prezident vakolatlari bekor qilinishi mumkin. Ushbu muddat ichida qaror qabul qilinmasa - impichment bekor qilinadi. 

Eslatib oʻtamiz, Qirgʻizistonda navbatdagi parlament saylovlaridan soʻng vaziyat keskinlashgan edi. Saylovlarda hukumat tomonidan boʻlgan partiyalar oʻz maʼmuriy resurslaridan keng foydalangani va boshqa partiyalarning parlamentga kirishiga toʻsqinlik qilgani maʼlum boʻlgan. Shundan soʻng muxolifat partiyalari norozilik namoyishlari oʻtkazish uchun koʻchalarga chiqishgan. Dushanba kuni kechqurun ular parlament binosini va prezident maʼmuriyatini egallab olishgan. Shundan soʻng namoyishchilar Davlat xavfsizlik qoʻmitasidan sobiq prezident Atambayev va yana bir necha kishini ozod qilishgan. Qirgʻiziston MSQ boʻlib oʻtgan saylovlar natijalarini bekor qilgan. 

 

Asosiy mavzular