21:39 20 Oktyabr 2020
Efir
  • RUB133.19
  • EUR12153.63
  • USD10371.76
Dunyoda
Havola olish
226 0 0

Buyuk Britaniya hukumati Polsha va Litvaga birdamlik ramzi sifatida Belarusdagi elchisini maslahatlashuv uchun chaqirib olishga qaror qildi

TOSHKENT, 9 okt - Sputnik. Buyuk Britaniya hukumati Polsha va Litvaga birdamlik maʼnosida Belarusdagi elchisini maslahatlashuv uchun chaqirib olish qarorini qabul qildi. Bu haqda Britaniya TIV rahbari Dominik Raab Twitterda maʼlum qildi, deb xabar berdi RIA Novosti.

"Buyuk Britaniya Belarusning polshalik va litvalik diplomatlarni chiqarib yuborish qarorini qoralaydi. Bu mutlaqo asossiz va belarus xalqini izolyatsiyalaydi. Birdamlik ramzi sifatida Belarusdagi vaziyat boʻyicha maslahatlashish uchun elchimizni vaqtinchalik chaqirib olmoqdamiz", - deb yozgan Raab.

Belarusning YEI davlatlari bilan munosabatlari 9 avgust kuni boʻlib oʻtgan prezident saylovlaridan soʻng keskin yomonlashdi: MSQ maʼlumotlariga koʻra, unda oltinchi bor Aleksandr Lukashenko gʻalaba qozongan edi. Respublika muxolifati Svetlana Tixanovskayani saylangan yetakchi, deb hisoblaydi. Yevroittifoq Lukashenkoni Belarusning qonuniy prezidenti sifatida tan olmadi. Saylovlardan soʻng mamlakatda ommaviy norozilik aktsiyalari davom etib kelmoqda.

Belarus TIV 2 oktyabrda Polsha va Litvaga 9 oktyabrga qadar mamlakatdagi diplomatlar sonini 50 nafardan 18 nafargacha va 25 nafardan 14 nafargacha qisqartirishni taklif etgani toʻgʻrisida xabar bergan edi.

Belarusning Polsha va Litvadagi elchilari maslahatlashuv uchun Minskka chaqirtirib olindi. Belarus TIV bayonotiga koʻra, bu harakatlar YEIning ushbu ikki mamlakati tomonidan Minskka nisbatan "ochiq nodoʻstona harakatlari" bilan bogʻliq. Ular ichki ishlarga aralashuvini yashirmayapti, Belarusning bazaviy suveren huquqlarini rad etmoqda.

Badavlat burjuychalar va aytishniklarga hokimiyat kerak boʻlib qoldi - Lukashenko >>>

Keyinchalik Polsha va Litva elchilari Belarusdan maslahatlashuvlar uchun chaqirtirib olingan edi.

Belarus hukumati sal avval ham protest aktsiyalari chet eldan muvofiqlashtirilayotgani toʻgʻrisida oʻz bayonotlarida koʻplab marotaba taʼkidlagan edi. Lukashenko gʻarb davlatlarini respublikadagi vaziyatga bevosita aralashuvda aybladi va tartibsizliklar AQSH tomonidan yoʻnaltirilayotgani, yevropaliklar esa ularga "qoʻshilib oʻynayotganini" aytdi.

Protest aktsiyalari muvofiqlashtirilayotgan davlatlar sifatida Lukashenko Polsha, Chexiya, Litva va Ukrainani sanab oʻtgan.

Asosiy mavzular