TOShKENT, 12 okt — Sputnik. Tojikiston poytaxti Dushanbeda prezident saylovlari yakunlarini e’lon qilish vaqtida yuqori xavfsizlik choralari ko‘rildi. Bu haqda RIA Novosti xabar qilmoqda.
Poytaxning markaziy ko‘chalarida qo‘riqlash kuchaytirilgan, respublika Markaziy saylov komissiyasi matbuot markazi joylashgan bino yaqinidagi kafe va restoranlar vaqtincha yopilgan.
Dushanbe ko‘chalarida hukumat binolari oldida va odamlar gavjum joylarda kuch ishlatar tuzilmalarning maxsus texnikasini ko‘rish mumkin.
Na o‘tgan prezident saylovlarida, na bahorda bo‘lib o‘tgan parlament saylovlarida bunday choralar ko‘rilgan.
11 oktabr kuni Tojikistonda navbatdagi prezident saylovlari bo‘lib o‘tdi. Amaldagi davlat rahbari Emomali Rahmon unda 90,92 foiz ovoz to‘plab, g‘olib bo‘ldi.