13:42 25 Oktyabr 2020
Efir
  • RUB133.19
  • EUR12153.63
  • USD10371.76
Dunyoda
Havola olish
435 0 0

“Forbes” jurnali oʻzbekistonlik Rahim Abramovni Rossiyaning eng serdaromad tiktokeri deb topdi. U bir yilda 10 mln rubl daromad olgan.

TOSHKENT, 12 okt — Sputnik. “Forbes” jurnali Rossiyadagi serdaromad tiktokchilar reytingini tuzdi.

Birinchi oʻringa oʻzbekistonlik 22 yoshli Rahim Abramov loyiq deb topildi. U 9,5 million nafar obunachiga ega. Oʻtgan yilda uning TikTok’dan olgan daromadi 10,47 rublni tashkil qilgan.

Nashrning yozishicha, Rahim Abramov Oʻzbekistonda tugʻilgan, 16 yoshida sport maktabida oʻqish uchun Chitaga koʻchib kelgan. U yerda kompyuterlarga dastur oʻrnatib pul topgan. Texnikumga oʻqishga qabul qilinmaganldan keyin ishlab topgan pullarini sarflab, Moskvaga kelgan. Poytaxtga kelgan paytida yonida 10 ming rubl puli boʻlgan, xolos.

Abramov doʻsti bilan pul ishlash uchun qisqa videolavhalar — vaynlar olishni boshlab, Instagram’dagi loyihaga “Ne majorы” deb nom bergan va bir yil ichida 300 mingga yaqin obunachi toʻplagan. Ammo oʻzining dastlabki kattaroq pulini uch yil avval oʻzi mustaqil ravishda video suratga olishni boshlaganda ishlab topgan. Birinchi oyda 100 ming rubl ishlagan. Keyinroq 200 ming rubl yigʻgan va bor puliga kamera sotib olgan.

“Avvallari Instagram’dagi post narxi 600-700 ming rubl atrofida edi. Hozir men faqat shartnomalar asosida yirik loyihalar qilaman, chunki men endi artistman”, — degan u “Forbes Digest”ga bergan intervyusida.

Reytingning ikkinchi pogʻonasini tojikistonlik 21 yoshli Dina Sayeva (Madina Basayeva) egalladi. Uni 16,4 million nafar obunachi kuzatib boradi. Yillik daromadi 4,93 million rublni tashkil qilgan.

Uchinchi oʻrin belaruslik 23 yoshli Aleksey Savkoga nasib qilgan. U 6,5 million nafar obunachiga ega profilidan 4,81 million rubl ishlab topgan.

Asosiy mavzular