04:49 29 Oktyabr 2020
Efir
  • RUB136.11
  • EUR12285.78
  • USD10359.88
Dunyoda
Havola olish
130112

Qirgʻiziston prezidenti vazifasini bajaruvchi bosh vazir Sadir Japarov yurtdoshlarga murojaatnoma bilan chiqdi

TOSHKENT, 17 okt - Sputnik. Qirgʻiziston prezidenti vazifasini bajaruvchi bosh vazir Sadir Japarovning qirgʻiz xalqiga murojaati qirgʻiz va rus tillarida hukumat matbuot-xizmati tomonidan ijtimoiy tarmoqlarda tarqatilgan.

Japarov nutqidan asosiy tezislar:

* oʻtkan kunlar mamlakat mustaqilligi, erkinligi, birdamlik va demokratiya uchun nihoyatda ogʻir sinov boʻldi; hukumat xalq faryodiga quloq tutmadi, 2005- va 2010-yillardagi xalq inqiloblari saboqlari esa butkul unutilganligi namoyon boʻldi; tarix hukumatga navbatdagi saboqni havola qildi - hukumat hamisha xalqqa xizmat qilishi va uning tanlovi bilan hisoblashmogʻi darkor;

* 4 oktyabr kuni xalq, yoshlar gʻalabasi oʻgʻirlandi va bu keng koʻlamli siyosiy inqirozga turtki boʻlib xizmat qildi; turli yosh, turli millat va siyosiy qarashlarga ega odamlar yagona front boʻlib qonunsizlik, oʻzboshimchalik, adminresurslardan foydalanishga qarshi chiqdilar;

* Japarovning maqsadi — mamlakatda adllatni qaror toptirish, korruptsiyaga qarshi rostdan kurashish, bu kurash endilikda zinhor siyosiy opponentlarni yoʻq qilish uchun instrument vazifasini bajarmaydi;

* siyosiy motivlar boʻyicha sud qilingan siyosatchilar ochiq jarayonlarda oʻzlarining aybsiz ekanliklarini isbotlashlari mumkin (Japarov siyosiy tutqunlik nima ekanligini oʻz boshidan kechirganini aytdi);

* har qanday korruptsioner, u qanday maqomga ega boʻlishidan qatʼiy naoʻar, jinoiy javobgarlikka tortiladi, ammo korruptsiyaga qarshi kurashish uchun xalq koʻmagi darkor;

* sud islohoti prezident apparati tomonidan emas, balki jamoatchilik nazorati ostida oʻtkaziladi;

* Qirgʻizistondan 700 million dollar olib chiqilishi toʻgʻrisidagi ishga nuqta qoʻyiladi, bosh gumondor Rayыm Matraimov va boshqa korruptsionerlar esa qonun boʻyicha qatʼiy jazolanadi;

* kriminalitet oʻz shartlarini ilgari surishiga endi yoʻl qoʻyilmaydi, Japarov kafolat beradi; uning aytishicha, alohida hududlarda biznes yuritish uchun kriminalitetdan ruxsat soʻrash kerak boʻlgan davrlar tarixda qoladi;

* yoshlar davlat siyosatining faol amalga oshiruvchilariga aylanishadi, aynan ular yaqin yillarda mamlakat siyosatini amalga oshirishadi; kadrlar siyosati oʻzgartiriladi, yoshlar siyosiy sahnada raqobatbardoshligini isbotladi va kelgusi saylovlarda oʻz pozitsiyalarini himoyalashlari lozim;

parlamentga oʻtish uchun turli siyosiy kuchlar uchun bir xil shart-sharoitlar yanatiladi, ammo yoshlar, milliy va gender kvotalari albatta saqlanib qolinadi;

kelayotgan oylar oson kechmaydi, birinchi navbatda iqtisodni stabillashtirish lozim, investorlar ishonchini, biznesga himoya va xavfsizlik kafotlarlarini qaytarish shart;

avvalgi hukumat COVID-19 pandemiyasiga tayyormasligini koʻrsatdi, kredit va grantlarga tayanish mamlakat moliyaviy tizimini boshqarishda jinoiy siyosatga aylandi, bu pullar taqsimlanishidagi shaffof boʻlmagan mexanizm esa - tizimli korruptsiya asosini tashkil etdi; koronavirusga qarshi kurash uchun olingan kreditlar boʻyicha reviziya boshlanadi;

Japarov barcha imkoniyatlari, bilimlari, kasbiy va hayotiy tajribasini mamlakat ravnaqi va gullab-yashnashi va xalq farovonligi uchun yoʻnaltirishini, ammo inqirozdan chiqish uchun xalq qoʻllab-quvvatlovi kerakligini aytdi.

Asosiy mavzular