17:59 21 Oktyabr 2020
Efir
  • RUB133.19
  • EUR12153.63
  • USD10371.76
Dunyoda
Havola olish
375 0 0

Qirgʻizistonda ikki hafta ichida saylovlar bekor qilindi, prezident isteʼfoga chiqdi, hukumat bir necha marta tasdiqlandi, komendantlik soati joriy etilib, bekor qilindi hamda sobiq prezident Almazbek Atambayev ozod qilindi va yana hibsga olindi.

TOSHKENT, 18 okt — Sputnik. Qirgʻizistonda parlament saylovlaridan keyin boshlangan norozilik namoyishlar prezidentning isteʼfoga chiqishigacha olib keldi. Soʻnggi ikki hafta ichida mamlakatda sodir boʻlgan voqealar xronologiyasi Sputnik sharhida.

4 oktyabr. Qirgʻizistonda parlament saylovlari boʻlib oʻtdi.

5 oktyabr. Bishkek markazida parlament saylovlari natijalaridan norozi boʻlganlarning norozilik namoyishlari boshlandi. Namoyishlar tezda tartibsizliklar va Hukumat uyini egallab olishga urinishga aylanib ketdi. Militsiya koʻzdan yosh oqizuvchi gaz, yorugʻlik va shovqin granatalari va rezina oʻqlarni qoʻllagan.

6 oktyabrga oʻtar kechasi namoyishchilar Oq uyga – parlament va prezident maʼmuriyatiga kirishga muvaffaq boʻldi. Qamoqxonadan 2019 yilda qoʻlga olingan sobiq prezident Almazbek Atambayev va qator shaxslar ozod qilindi.

6 oktyabr. MSK saylov natijalarini haqiqiy emas deb topdi. Qirgʻiziston bosh vaziri Kubatbek Boronov isteʼfoga chiqdi.

7 oktyabr. Sadir Japarov oʻzini yagona qonuniy bosh vazir deb eʼlon qildi. Boshqa nomzodlar ham paydo boʻladi, masalan, Tilek Toktogaziyev. Bir guruh deputatlar prezident Sooranbay Jeenbekovga nisbatan impichment jarayonini boshladi.

9 oktyabr. Prezident avvalgi hukumat isteʼfosini qabul qiladi, Bishkekda favqulodda holat eʼlon qiladi va poytaxt tarixida ilk bor qoʻshin kiritadi.

10 oktyabr. Parlament Japarov boshchiligida yangi hukumat tarkibini tasdiqlaydi. Atambayev yana qoʻlga olinadi.

13 oktyabr. Prezident kvorum boʻlmaganligi sabab Japarov hukumati noqonuniy ekanligini maʼlum qiladi.

14 oktyabr. Parlament takroran Japarov boshchiligida yangi hukumat tarkibini tasdiqlaydi. Jeenbekov uni tayinlash toʻgʻrisidagi farmonga imzo chekadi. Bishkekda yana miting – Jeenbekov isteʼfosi talab qilinadi.

15 oktyabr. Jeenbekov isteʼfoga chiqishini eʼlon qiladi. U tarixda oʻz fuqarolari qonini toʻkkan davlat rahbari sifatida qolishni istamasligini aytadi. Parlament spikeri Kanat Isayev respublika rahbari vazifasini bajaruvchi boʻladi. Keyinchalik bu atigi bir kunga ekani maʼlum boʻladi.

16 oktyabr. Isayev rasman prezident majburiyatlarini bajarishdan bosh tortadi. Konstitutsiyaga binoan ular bosh vazir Japarovga oʻtadi. Norozilik namoyishlari yakunlanadi.

Asosiy mavzular