14:44 24 Noyabr 2020
Efir
  • RUB136.69
  • EUR12344.73
  • USD10414.86
Dunyoda
Havola olish
29010

“The Times” gazetasi Londondagi Beyker strit-221B manzilida joylashgan Sherlok Xolms uy-muzeyi Qozogʻistonning birinchi prezidenti Nursulton Nazarboyevning qarindoshlariga tegishliligini taʼkidlamoqda.

TOSHKENT, 11 noya — Sputnik. Londondagi Beyker strit-221B manzilida joylashgan Sherlok Xolms uy-muzeyi Qozogʻistonning birinchi prezidenti Nursulton Nazarboyevning qarindoshlariga tegishli. Bu haqda “The Times” gazetasi “SourceMaterial” maʼlumotlariga tayangan holda yozmoqda.

Maʼlum qilinishicha, London shahrining Beyker koʻchasidagi mulk 2015 yili Qozogʻistonning sobiq prezidenti Nursulton Nazarboyevning qizi Dariga Nazarboyeva va uning oʻgʻli Nurali Aliyevga tegishli boʻlgan.

Mulkning umumiy qiymati 140 million funt sterlingni tashkil etadi. Gazeta maʼlumotiga qaraganda, koʻchmas mulkning 90 foizi Nazarboyeva va qolgan 10 foizi uning oʻgʻliga tegishli boʻlgan.

Shu bilan birga, yer reyestriga koʻra, hozir koʻchmas mulkning rasmiy egasi 2005 yilda sotib olgan “Farmont Baker Street Limited” kompaniyasidir. Hozir “Farmont Baker Street” BAA kompaniyasiga tegishli.

Xabarda yozilishicha, Sherlok Xolmsning uyidan tashqari Nazarboyevlar oilasi yana bir qancha binolar hamda Beyker koʻchasidagi 215 va 237-uylar orasidagi yer maydonlariga egalik qiladi.

Nazarboyevlar oilasining vakili boʻlgan “Mishcon de Reya” yuridik firmasi nashr maʼlumotlariga izoh bermagan.

Nashr 2015 yilda “Global Witness” nodavlat tashkiloti surishtiruv oʻtkazib, Artur Konan Doyl hikoyalarining bosh qahramoniga bagʻishlangan ushbu muzey Qozogʻiston prezidenti Nursulton Nazarboyevning marhum kuyovi Rohat Aliyevga tegishli boʻlganini aniqlaganini eslatgan.

Asosiy mavzular