07:07 28 Noyabr 2020
Efir
  • RUB136.69
  • EUR12344.73
  • USD10414.86
Dunyoda
Havola olish
622 0 0

Rossiyaning yana ikkita An-124 "Ruslan" harbiy-transport samolyoti tinchlikparvar kuchlari va zirhli mashinalari bilan Yerevanga yetib keldi.

TOSHKENT, 15 noya — Sputnik. Rossiyaning yana ikkita An-124 "Ruslan" harbiy-transport samolyoti tinchlikparvar kuchlari va zirhli mashinalari bilan Yerevanga yetib keldi, deb xabar qildi Mudofaa vazirligi.

"Samolyot 10ta BTR-82A zirhli mashinani, moddiy-texnika taʼminoti vositalarini, shuningdek tinchlikparvar kuch - 30 nafarga yaqin harbiy xizmatchini manzilga yetkazdi", - deyilgan xabarda.

Yuk tushirish, koʻzdan kechirish va texnika tayyorlangandan soʻng boʻlinmalar Goris shahriga 300 km marsh qiladi.

Kuni kecha, Mudofaa vazirligi tinchlikparvarlik operatsiyasi boshlanganidan beri harbiy transport samolyotlari 95 ta reys amalga oshirganini maʼlum qilgandi.

Umumiy hisobda harbiy guruh tarkibi 1960 nafar harbiy, 90 zirhli avtomashina, 380 dona avtomashina va boshqa texnikadan iborat boʻladi.

Ozarbayjon, Armaniston va Rossiya yetakchilari Togʻli Qorabogʻdagi vaziyat boʻyicha kelishuvga erishdilar. Vladimir Putin tomonidan eʼlon qilingan bayonotga koʻra, tomonlar 10 noyabrda Moskva vaqti bilan soat 00.00dan boshlab harbiy harakatlarni toʻxtatish toʻgʻrisida kelishib oldi.

Kelishuvga binoan RFning tinchlikparvar kontingenti Togʻli Qorabogʻdagi tutash chizigʻi boʻylab va Togʻli Qorabogʻni Armaniston Respublikasi bilan bogʻlaydigan koridor boʻylab joylashtiriladi.

Teglar:
Togʻli Qorabogʻ, Armaniston

Asosiy mavzular