22:21 15 Yanvar 2021
Efir
  • RUB141.29
  • EUR12796.16
  • USD10473.20
Dunyoda
Havola olish
191 0 0

London sudi “WikiLeaks” asoschisi Julian Assanjning hayotiga xavf paydo boʻlishi mumkinligi sabab uni AQShga ekstraditsiya qilmaslik toʻgʻrisida ajrim chiqardi.

TOSHKENT, 4 yanv — Sputnik. London markaziy sudi sudyasi Vanessa Baraytser Amerika hukumatiga “WikiLeaks” asoschisi Julian Assanjni ekstraditsiya qilishdan bosh tortdi, deya yozmoqda RIA Novosti.

“Men unga AQShda jiddiy izolyatsiyani nazarda tutuvchi maxsus maʼmuriy choralar qoʻllanishi mumkinligini inobatga oldim. U Assanjning ruhiy sogʻligiga salbiy taʼsir koʻrsatishi mumkin”, - dedi Baraytser.

Sudya ajrimni oʻqiyotib, aslida, ayblanuvchining sogʻligʻi rad etishning yagona sababi ekanini maʼlum qildi. Uning fikriga koʻra, autizm va klinik tushkunlikdan aziyat chekayotgan Assanjda oʻz joniga suiqasd qilish fikrlari yana paydo boʻlishi mumkin.

Assanjni garov evaziga ozodlikka chiqarish toʻgʻrisidagi qaror 6 yanvar kuni qabul qilinadi.

Julian Assanj AQShning Afgʻoniston va Iroqdagi harbiy operatsiyalari paytida noqonuniy harakatlarini fosh qilgani uchun xalqaro miqyosda tanilgan. Jurnalist harbiy harakatlar paytida tinch aholining oʻldirilishi, shuningdek, Amerikaning Kubadagi Guantanamo qamoqxonasida saqlash shartlari toʻgʻrisidagi maʼlumotlarni eʼlon qildi.

2010 yilda uni Shvetsiyada zoʻrlash va taʼqib qilishda ayblashdi. Assanj hamma ayblovlarni rad etdi: uning soʻzlariga koʻra, unga qarshi shikoyat qilgan ayollar qasos olish va politsiya taʼsiri ostida harakat qilishgan. Bir ozdan soʻng ish yopildi, keyin esa qayta ochildi va oʻtgan yilning noyabr oyida yana yopildi.

Julian Assanjning onasi Ruptly’ga xolislik uchun minnatdorchilik bildirdi

2010 yil iyun oyidan beri "WikiLeaks" asoschisi ekstraditsiya qilinishidan qoʻrqib, Londondagi Ekvador elchixonasida yashiringan. Oʻtgan yilning 11 aprel kuni ertalab u AQSH talabiga binoan hibsga olingan. London sudi uni garov shartlarini buzganlikda aybdor deb topdi va 11 oy qamoq jazosiga hukm qildi.

Shundan soʻng AQSH hukumati Assanjga josuslik va maxfiy maʼlumotlarni oshkor qilishda yangi ayblovlarni qoʻydi. AQShda Assanj 175 yilgacha qamoq jazosiga hukm qilinishi mumkin.

Asosiy mavzular