09:13 25 Fevral 2021
Efir
  • RUB141.09
  • EUR12773.52
  • USD10549.65
Dunyoda
Havola olish
122 0 0

Shvetsiya, Finlyandiya, Norvegiya, Daniya, Germaniya hukumatlari xokkey boʻyicha jahon chempionati Belarusda boʻlib oʻtsa uni boykot qilishga chaqirishgan.

TOSHKENT, 19 yanv - Sputnik. Xalqaro xokkey federatsiyasi (IIHF) Kengashi 2021 yilda Xokkey boʻyicha jahon chempioantini Belarusda oʻtkazmaslikka qaror qildi, RIA Novosti xabariga asosan.

"IIHF nazoratidan tashqarida boʻlgan xavfsizlik masalalari tufayli Kengash bugun Jahon chempionatini Minskdan koʻchirishga qaror qildi. Qaror qabul qilishda masalaning barcha tomonlari oʻrganib chiqildi va baholandi", - deyilgan rasmiy xabarda. 

2021 yilda Xokkey boʻyicha jahon chempionati oʻtkazish uchun Belarus va Latviya birgalikda ariza topshirgan edi. Dunyodagi koronavirus bilan bogʻliq vaziyatni hisobga olgan holda, xavfsizlik qoidalarini va ishtirokchilar yetib kelishini soddalashtirish maqsadida, IIHF chempionatni bir joyda oʻtkazish masalasini koʻrib chiqadi.

IIHF prezidenti Rene Fazel 11 yanvar kuni Minskda Belarus prezidenti Aleksandr Lukashenko bilan chempionatga tayyorgarlik koʻrish masalasini muhokama qilgan edi.

Keyinroq IIHF rahbari, chempionatni Belarusda oʻtkazmaslik uchun bosim oʻtkazilayotganini xabar qildi. Xususan Shvetsiya, Finlyandiya, Norvegiya, Daniya, Germaniya hukumatlari, agar xokkey chempionati Belarusda boʻlib oʻtsa uni boykot qilishga chaqirishganini aytdi. 

Undan tashqari "kimdir sponsorlarga ham bosim oʻtkazayotganini"xabar qilgan edi. Xususan Skoda Avto va Nivea kompaniyalari, chempionat Belarusda boʻlib oʻtgan taqdirda, ular homiylik qilishdan bosh tortishini maʼlum qilishgan. 

Maʼlumot uchun, Xokkey boʻyicha 2021 yil Jahon chempionati 21 maydan 6 iyunga qadar Minsk va Rigada boʻlib oʻtishi kerak edi. Belarusda boʻlib oʻtgan prezident saylovlaridan soʻng muxolifat IIHFga murojaat qilb xokkey chempionatini bekor qilishni, Respublika rahbariyatiga nisbatan sanktsiyalar qoʻllashni talab qila boshladi. 

Asosiy mavzular