Qirg‘iziston Pfizer vaksinasidan voz kechadi

© AFP / PASCAL GUYOTShprisi i butilochki s vaksinoy "Pfizer"
Shprisi i butilochki s vaksinoy Pfizer - Sputnik O‘zbekiston
Obuna bo‘lish
Qirg‘iziston Pfizer kompaniyasi vaksinasidan uni saqlash uchun jihozlari bo‘lmaganligi sabab voz kechadi. Bu vaksinani -70 gradus haroratda saqlash kerak.
TOShKENT, 19 yanv — Sputnik. Qirg‘iziston texnik sabablarga ko‘ra Pfizer kompaniyasi vaksinasidan voz kechadi. Bu haqda mamlakat sog‘liqni saqlash vaziri Alimkadir Beyshenaliyev ma’lum qildi.
“Bizga -70 gradus haroratda saqlanishi kerak bo‘lgan Amerikaning Pfizer vaksinasi taklif qilindi. Bizga bir milliondan ziyod dozani bepul taqdim etishmoqchi bo‘lishdi. Uni olib kelish, saqlash va aholini emlash uchun bizga maxsus sovutgichlar lozim. Biroq bizda bunday sovutgichlar yo‘q”, - dedi u “Birinchi radio”ga bergan intervyusida.
Vaksina Pfizer-BioNTech - Sputnik O‘zbekiston
Le Monde: YeI Pfizer vaksinasini bosim ostida ma’qulladi, buning dalili bor
Vazirning so‘zlariga ko‘ra, Pfizer vaksinasini saqlash uchun respublika 2 million dollarga jihoz sotib olishi kerak bo‘lardi.
Beyshenaliyev Qirg‘iziston hozirda Rossiya hukumati bilan mamlakatga “Sputnik V” vaksinasini yetkazib berish bo‘yicha muzokaralar o‘tkazayotganini qo‘shimcha qildi. “Sputnik V”ni minus 2 darajadan minus 18 darajagacha bo‘lgan haroratda saqlash mumkin va mamlakat zaruriy jihozlarga ega.
Qirg‘izistonda jami 83 268 kishi koronavirus bilan kasallangan. Shulardan 79 249 nafari tuzalib ketgan. 1390 bemor koronavirusdan vafot etgan.
“Sputnik V” Markaziy Osiyoda
Rossiyaning koronavirusga qarshi “Sputnik V” vaksinasi namunalarini O‘zbekistonga dekabr oyida xizmat safari bilan bo‘lgan Rossiya sanoat va savdo vaziri Denis Manturov shaxsan olib kelgan edi. Sanitariya-epidemiologik osoyishtalik va jamoat salomatligi xizmati boshlig‘i Bahodir Yusupaliyevning ma’lum qilishicha, mamlakatda “Sputnik V” vaksinasini tezkor sertifikatsiyalash ustida ish olib borilmoqda. Shuningdek, uni ishlab chiqarishni mahalliylashtirish bo‘yicha muzokaralar olib borilmoqda.
Putin soobshil o blijayshey regictratsii tretyey rossiyskoy vaksini ot COVID-19 - Sputnik O‘zbekiston
Putin Rossiya vaksinasini dunyodagi eng yaxshi preparat deb atadi
Qozog‘iston mamlakatda “Sputnik V” vaksinasini ishlab chiqarishni yo‘lga qo‘ygan va u bilan 1-fevraldan, rejalashtirilgan muddatdan oldinroq aholini emlashni boshlamoqchi.
Turkmaniston “Sputnik V” vaksinasini Markaziy Osiyoda birinchi bo‘lib ro‘yxatdan o‘tkazdi.
19 yanvar kuni Tojikistonga rossiyalik harbiylar uchun mo‘ljallangan “Sputnik V” vaksinasining 1100 ta dozasi keltirildi.
“Sputnik V” vaksinasi Gamaleya epidemiologiya va mikrobiologiya milliy tadqiqot markazi tomonidan Rossiya to‘g‘ridan-to‘g‘ri investitsiya jamg‘armasi bilan hamkorlikda ishlab chiqilgan. Preparat insonning adenovirus vektorli platformasiga asoslangan bo‘lib, uning muhim afzalliklari - xavfsizlik, samaradorlik va uzoq muddatli salbiy oqibatlarning yo‘qligi. Ro‘yxatdan o‘tgandan so‘ng, o‘tkazilgan tadqiqotda yakuniy nazorat nuqtasida ma’lumotlarni tahlil qilish natijalariga ko‘ra, uning samaradorligi 91,4 foizni, og‘ir holatlarda esa 100 foizni ko‘rsatdi.
Yangiliklar lentasi
0