13:56 28 Fevral 2021
Efir
  • RUB141.09
  • EUR12773.52
  • USD10549.65
Dunyoda
Havola olish
258 0 0

Myanmada harbiylar hukumatni egallab olishdi va mamlakatda bir yil muddatga favqulodda vaziyat eʼlon qilishdi. 

TOSHKENT, 1 fev - Sputnik. Oʻtgan tunda Myanmada davlat toʻntarilishi sodir boʻldi, hukumat boshqaruvi toʻliq harbiylar qoʻliga oʻtdi, deb xabar qilmoqda RIA Novosti. 

Armiya katta generali Min Aung Xlayn vitse-prezident Mint Shveni Myanmada vaqtincha prezident vazifasini bajaruvchi etib tayinladi. Mamlkatda 1 yil muddatga favqulodda vaziyat eʼlon qilingan. 

Sinxua agentligi xabariga koʻra, Myanma poytaxti Neypido shahrida ayni damda internet va telefon aloqasi ishlamayapti. Myanmaning yirik shaharlari koʻchalarida harbiylarni koʻrish mumkin.

Harbiylar oʻz harakatlarini 2008 yilda qabul qilingan davlat konstitutsiyasi bilan asoslashmoqda. Ular sobiq hukumatni noyabr oyida boʻlib oʻtgan saylov natijalarini qalbakilashtirishda ayblashmoqda.   

Shuningdek, qoʻzgʻolon tashkilotchilari mamlakat prezidenti Vin Min, davlat maslahatchisi va TIV rahbari Aun San Su Chjini va hukumatni boshqarib kelgan "Demokratiya uchun milliy liga" partiyasining bir qator rahbarlarini qoʻlga olishgan.

AQSH hukumati ushbu voqealar yuzasidan bezovtalik bildirib,  hibsga olingan davlat rahbarlarini ozod qilishni talab qilishmoqda. 

 

Asosiy mavzular