01:46 25 Fevral 2021
Efir
  • RUB141.09
  • EUR12773.52
  • USD10549.65
Dunyoda
Havola olish
313 0 0

Ijtimoiy tarmoqlar Rossiyaga nisbatan dushman pozitsiyasida harakat qilsa, bizda ularga qarshi chora bor - Medvedev.

TOSHKENT, 1 fev - Sputnik. Xavfsizlik Kengashi raisi oʻrinbosari Dmitriy Medvedev  Rossiya oʻz internet tarmogʻini qanday himoya qilishini aytib berdi.

Medvedev aytishiga koʻra, Internetning “kaliti” AQSH qoʻlida, shu sababli uni oʻchirib qoʻyish ehtimoli mavjud. Rossiya har ehtimolga qarshi bunga tayyor boʻlmoqda.

“Maʼlumki, internet mayyan vaqtda muayyan davlatda paydo boʻlgan edi. Shu sababli uni boshqarish huquqi ham – Amerika Qoʻshma Shtatlari qoʻlida. Ushbu “sandiqning kaliti" okean ortida boʻlgani sababli - favqulodda vaziyat yuz berishi ehtimoli mavjud”, - dedi Medvedev.

Shundan kelib chiqqan holda, maxsus qonun qabul qilingan. Uning asosiy vazifasi – internetning Rossiya segmentini mustaqil boshqarish imkoniyatidir.

“Menimcha, hozircha kiritilgan qoidalar yetarli. Agar ijtimoiy tarmoqlar Rossiya axborotini chop etishdan bosh tortsa yoki Rossiyaga nisbatan dushman pozitsiyasida harakat qilsa – bizda ularga taʼsir qiladigan chora bor, lekin vaziyat bu darajaga yetishini, albatta,  istamagan boʻlardik”, - dedi Medvedev.

Eslatib oʻtamiz, har qanday xorijiy internet platformalar fuqarolarning irqiy, milliy yoki siyosiy mansubligidan kelib chiqqan holda, axborotni cheklagan taqdirda, ularga nisbatan cheklov choralari qoʻllaniladi. Yangi qonun nafaqat ijtimoiy tarmoqlar, balkim barcha yirik IT-platformalarga tegishli boʻladi.

Asosiy mavzular