19:29 25 Fevral 2021
Efir
  • RUB141.09
  • EUR12773.52
  • USD10549.65
Dunyoda
Havola olish
241 0 0

Arizachilar avvalroq Qirgʻiziston sobiq prezidentini javobgarlikka tortish va uni sobiq prezident maqomidan mahrum qilishga chaqirishgan edi.

TOSHKENT, 2 fev — Sputnik. Oʻtgan yili 5-6 oktyabr kuni jabrlangan fuqarolarning Qirgʻiziston sobiq prezidenti Sooronbay Jeenbekov ustidan yozgan arizasi 1 fevral kuni mamlakat Milliy xavfsizlik davlat qoʻmitasi (MXDQ) va IIVga yoʻllandi. Bu haqda Sputnik Qirgʻiziston nashri xabar qilmoqda.

Mamlakat Bosh prokuraturasi matbuot xizmati xabariga koʻra, ariza yuborilgan, chunki MXDQ va IIV avvalroq 2020 yil 6 oktyabrga oʻtar kechasi namoyishchilarni tarqatib yuborish vaqtida maxsus vositalardan qoʻllanilgani yuzasidan jinoiy ishlar qoʻzgʻatgan.

Yanvar oxirida Qirgʻiziston Bosh prokuraturasiga oktyabr voqealaridan jabrlanganlarning arizasi kelib tushgan edi va ular sobiq prezidenti javobgarlikka tortishni talab qilishgan.

Ariza mualliflari 5 oktyabr kuni Ala-Too maydonida tashkil etilgan miting tinch xususiyatga ega boʻlganini taʼkidlashgan, ammo farmon olgandan soʻng huquqni muhofaza qiluvchi organ xodimlari namoyishchilarga qarshi maxsus vositalardan foydalanishni boshlashgan.

Jabrlanganlar aynan Jeenbekov qurol qoʻllash toʻgʻrisida farmon bergan deb hisoblashmoqda. Ular sobiq davlat rahbari javobgarlikka tortilishi zarurligini maʼlum qilishdi hamda uni sobiq prezident maqomidan mahrum qilishni talab qilishmoqda.

Eslatib oʻtamiz, Qirgʻizistonda 5 oktyabr kuni parlament saylovlarini bekor qilish talabi bilan boshlangan miting Jogorku Kenesh binosini ishgʻol qilish va mamlakatda hukumat oʻzgarishi bilan yaqinlandi. Soroonbay Jeenbekov oktyabr oʻrtasida isteʼfoga chiqdi, muddatidan avvalgi prezident saylovlarida oktyabr voqealari vaqtida qamoqdan ozod qilingan Sadir Japarov gʻalaba qozondi. 28 yanvar kuni u mamlakat rahbari vazifalarini bajarishga kirishdi.

Teglar:
Soronbay Jeenbekov, Qirgʻiziston

Asosiy mavzular