Jamiyat

YHQ buzish videoqayd qilinganda oʻzgacha tartibda koʻrib chiqiladi

© Sputnik / Grigoriy Sыsoyev / Fotobankka oʻtishYH qoidabuzarliklarini qayd qilish markazi
YH qoidabuzarliklarini qayd qilish markazi - Sputnik Oʻzbekiston
Obuna boʻlish
Yandex newsTelegram
Adliya vazirligi xodimi YH qoidabuzarliklarini koʻrib chiqish tartibiga kiritilgan oʻzgarishlarni tushuntirib berdi.

TOSHKENT, 21 okt — Sputnik. Sputnik muxbiri Oʻzbekiston Adliya vazirligi xodimiga murojaat qilib, yaqinda qabul qilingan YH qoidabuzarliklarini koʻrib chiqish tartibiga kiritilgan oʻzgarishlarni izohlab berishni soʻradi.

Adliya vazirligi xodimining soʻzlariga qaraganda, ushbu oʻzgarishlarda Toshkentning asosiy chorrahalarida videokameralar oʻrnatilishi munosobati bilan ehtiyoj paydo boʻldi. Hozirgi kunga qadar kameralar sinov tartibida ishlamoqda.   

Oʻzgarishlarning asosiy mohiyati shundaki, bundan buyon, agar YH qoidabuzarlik holati: tezlikni oshirish, svetofor taʼqiqlash signaliga amal qilmaslik yoki boshqa qoidabuzarliklar, maxsus texnik vositalar yordamida qayd qilinganda, bayonnoma tuzilmaydi, birdaniga jarima solish haqida qaror qabul qilinib, dalolat va jarima pattasi toʻgʻridan-toʻgʻri qoidabuzar manziliga pochta orqali yuboriladi.

Maxsus texnik vositalar yordamida qayd qilingan qoidabuzarlik uchun javobgar shaxs deb — transport vositasining egasi belgilanadi, jismoniy yoki yuridik shaxs boʻlishidan qatʼiy nazar.  

Adliya vazirligi xodimining soʻzlariga qaraganda, ushbu qoidalar, YHning toʻlaqonli qatnashchisi boʻlgan piyodalarga ham tegishli. YH qoidasini buzgan piyodalarga ham jarima solinadi. Agar piyoda jarimani darhol toʻlasa unga patta beriladi. Agar darrov toʻlashning iloji boʻlmasa bayonnoma tuziladi.

“Maxsus vositalar yordamida qayd qilingan qoidabuzarliklar jarimalari 60 kun ichida toʻlanishi kerak. Qayd qilingan qoidabuzarlik — nohaq deb shikoyat qilingan hollarda, shikoyat koʻrib chiqilib, rad javobi berilganidan keyin 30 kun ichida”, — dedi mutaxassis.

Faqat maxsus tezkor xizmatlarga tegishli avtomobillar haydovchilari va qonun boʻyicha ustunvorlik huquqiga ega boʻlgan avtomobillar haydovchilari kameralar yordamida qayd qilingan jarimalardan ozod qilinishi mumkin.

Ushbu xizmat xodimlari tezkor va kechiktirib boʻlmas xizmat vazifasini oʻtayotganligini hujjatlar yordamida tasdiqlaganda maʼmuriy javobgarlikka tortilmaydi va qoidabuzarlik “oʻta zarurat yuzasidan  amalga oshirilgan” deb tan olinadi.

Qolgan masalalarda, yoʻriqnomaning barcha holatlari Maʼmuriy javobgarlik kodeksi normalariga muvofiqlashtirilgan.

 

Yangiliklar lentasi
0