Hodisalar

ID safiga qoʻshilmoqchi boʻlgan MGU talabasi oʻz aybiga toʻliq iqror boʻldi

© Press-slujba Lefortovskogo suda Moskvы / Fotobankka oʻtishMGU talabasi Varvara Karaulova Moskvaning Lefortovo tuman sudida
MGU talabasi Varvara Karaulova Moskvaning Lefortovo tuman sudida - Sputnik Oʻzbekiston
Bugun tergov Varvara Karaulova “Islom davlati” terrorchi guruhiga qoʻshilishda rasman ayblandi. Varvara ikki advokat xizmatidan voz kechdi.

 

TOSHKENT, 10 noya — Sputnik. MGU talabasi, qidiruv organlari fikriga koʻra ID terrorchi guruhiga qoʻshilishga harakat qilgan Aleksandra Ivanova (Varvara Karaulova) oʻz aybiga toʻliq iqror boʻldi.

“U oʻz abiga toʻliq iqror boʻldi”, — deb soʻrov protokolini oʻqidi sudya.

Bugun tergov Karaulovaga “Islom davlati” terrorchi guruhiga qoʻshilishga harakat qilganligi uchun rasman ayb qoʻydi. Shu bilan birga Karaulova ikki advokat Aleksandr Karabanov va Aleksey Noskovlar xizmatidan voz kechdi. Ayblanuvchi unga Sergey Badamshin va Gadji Aliyevlarning xizmati yetarli ekanligi bilan izohladi.  

Advokat Karabanovning soʻzlariga qaraganda, uning himoyasi ostida boʻlgan Karaulovani kimdir qoʻrqitgan.

“Ishonchim komilki, himoyam ostidagi (Karaulova) nima qilayotganini oʻzi ham bilmaydi. Uning ongiga maʼlum taʼsir koʻrsatilgan”, — dedi advokat sud majlisida. 

Uning fikriga koʻra fuqarolarni vaqtincha saqlash izoliyatorida kimdir Karaulovaga tayziq oʻtkazmoqda. Lekin ayblanuvchining oʻzi buni tasdiqlamadi.

Oqibatda, sudya ikki advokatni ushbu ishga qatnashishdan ozod qildi.

“Islom davlati” terrorchilar tashkilotiga qoʻshilmoqchi boʻlgan MGU Falsafa fakulteti talabasi Aleksandra Ivanovaning (Varvara Karaulova) tarixi bizga yaxshi maʼlum. Rossiya OAVlarida ushbu voqea katta shov-shuvlarga sabab boʻlgan edi.

Islom dini va arab tilini oʻrganishga qiziqqan, ikkinchi kurs talabasi, ota-onasidan yashirin holda chet elga chiqish uchun pasport rasmiylashtirgan va 27 mayda Stambulga uchib ketgan. 4 iyunda uni Turkiya-Suriya chegarasidagi Kilis shahrida, yana 14 Rossiya fuqarosi bilan birga qoʻlga olishgan va Moskvaga qaytarilgan edi.

Vataniga qaytgach Ivanova (Karaulova) akademik taʼtilga chiqqan va jinoiy javobgarlikka tortilgan. Rossiya Qidiruv qoʻmitasi rasmiy vakili Vladimir Markin xabariga koʻra, oʻsha paytda Qidiruv qoʻmitasi Ivanova (Karaulova)ning hatti-harakatida jinoiy ish qoʻzgʻatishga sabab topmagan.  

Bir necha oy davomida ushbu voqea jimib ketdi, lekin 27 oktyabr kuni Ivanovlar oilasi advokati Aleksandr Karabanov Aleksandra hibsga olinganligi haqida xabar berdi. Ushbu ishning boshqa tafsilotlari haqida hozircha maʼlumot yoʻq.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala