Dunyoda

Turkiya-Suriya chegarasida qudratli zenit-raketa kompleksi joylashtiriladi

Obuna boʻlish
NovostiTelegram
Turkiya Suriya bilan chegarasida zenit-raketa-kompleksini joylashtirishni rejalashtirmoqda.

TOSHKENT, 7 dek — Sputnik. Turkiya hukumati Suriyadagi ahvol tobora jiddiy va xavfli tus olayotganligi sabab, chegarada zenit-raketa–kompleksi(ZRK)ni joylashtirishga qaror qildi. Shu bois, “Eurosam” frantsiya-italiya kontserni bilan muzokaralarning yangi bosqichini boshladi. ZRK ishlab-chiqarish texnologiyasi bilan tanishib chiqqan Turkiya hukumati rahbarlari, endilikda muzokaralarni davom ettirishni rejalashtirishmoqda.

Bir oz vaqt oldin, Turkiya, umumiy qiymati 3,4 milliard dollarga teng raketa hujumiga qarshi mudofaa tizimi uchun komponentlarni ishlab chiqarish xalqaro tenderidan voz kechganligini tasdiqlagan edi. U oʻzining ushbu harakatini raketa hujumiga qarshi oʻz milliy loyihasini ishlab chiqarishga qaror qilganligi bilan izohladi.

Turkiya Suriya bilan chegarasida yuzaga kelgan notinch vaziyatni inobatga olib, Xitoy bilan kelishmagan holda, oʻtgan haftada oʻz harbiy-texnika delegatsiyasini Frantsiya va Italiyaga safarbar etdi. Turkiya delegatsiyasi “Eurosam” kontserni tomonidan ishlab-chiqariladigan SAMP/T zenit-raketa-kompleksi texnologiyasi bilan tanishib, ballistik raketalar sinovida ishtirok etdilar.

Kontsern vakillari yaqin kunlarda Anqaraga tashrif buyurishadi va muzokaralar davom ettiriladi. Kontsernga qoʻyilayotgan asosiy talab — bu ishlab chiqarish texnologiyasini Turkiyaga berish talabidir. Agar tomonlar oʻzaro kelisha olsalar, “Eurosam” tomonidan ishlab chiqarilgan ZRK vaqtinchalik batareyalari Turkiya bosh shtabi tomonidan belgilangan chegara qismida joylashtiriladi.

Raketa hujumiga qarshi mudofaa tizimi komponentlarini xarid qilish uchun 4 milliard dollarlik tender haqida Turkiya 2009 yil eʼlon qilgan edi. 2013 yilning sentyabrida Xitoyning CPMIEC kompaniyasi tender gʻolibi sifatida eʼlon qilindi. Xitoy kompaniyasidan tashqari amerikaning “Raytheon & Lockheed Martin” konsortsiumi, frantsiya-italiyaning “Eurosam” kontserni va Rossiyaning “Rosoboroneksport” kompaniyalari tenderda ishtirok etgan edilar.

Tsezar Kunikov nomli harbiy desant kemasi Sevastopolda - Sputnik Oʻzbekiston
Dunyoda
Turkiya Rossiyani Montryo konventsiyasi nizomini boʻzganlikda ayblamoqda

Xitoy tender boʻyicha raqiblaridan farqli oʻlaroq, raketa kompleksining maʼlum qismlarini Turkiyada ishlab-chiqishga va oʻz texnologiyasini unga berishga rozi boʻldi. Ammo tomonlar Turkiyaning bu jarayonda ishtiroki darajasi borasida kelishuvga kelolmadilar. Bundan  tashqari, Xitoyning gʻolib sifatida eʼlon qilinishi Turkiyaga uning NATOdagi ittifoqchilari tomonidan bosim oʻtkazilishiga sabab boʻldi. 

Yangiliklar lentasi
0