TOShKENT, 31 dek — Sputnik. O‘zbek-qirg‘iz chegarasida O‘zbekiston chegarachilari noqonuniy yo‘l bilan olib o‘tilayotgan yukni to‘xtatib qolishga muvaffaq bo‘ldilar.
Noma’lum shaxs qirg‘iz davlat raqamiga ega “Mersedes” avtomobilida O‘zbekistondan Qirg‘izistonga kontrabanda yuk olib o‘tishga harakat qilgan, mamlakat huquqni saqlash organlari ma’lumoti asosida.
Mazkur hodisa Farg‘ona viloyati So‘x tumanida mahalliy vaqt bilan 02:30da ro‘y bergan. Chegarachilar jinoyatchini to‘xtatish maqsadida, havoga ogohlantirish tariqasida o‘q uzishgan. Jinoyatchi chegarachilar talabiga bo‘ysunmagan va mashinani to‘xtatmagan. O‘zini to‘xtatishga harakat qilgan chegarachini esa urib ketgan.
Manbaning so‘zlariga qaraganda, “Mersedes”ni to‘xtatish uchun, chegarachilar naradi harakatlanayotgan transportga qarata o‘q ochishgan. Natijada, noma’lum shaxs avtomobilni tashlab, ko‘zdan g‘oyib bo‘lgan. Avtomobilda 5,2 ming kilogramm jiyda aniqlangan.
Ayni vaqtda harbiy xizmatchining ahvoli og‘irligi ta’kidlanmoqda. Ushbu ish yuzasidan O‘zbekiston huquqni muhofaza qilish organlari tomonidan jinoiy ish qo‘zg‘atilgan.
