Jamiyat

AQShda terrorchilarga moddiy yordam bergan oʻzbek 25 yilga qamaldi

Oʻzbekiston fuqarosi Fazliddin Qurbonov 2015 yil avgustda terrorchilarga moddiy koʻmak berganlikda hamda portlovchi moddalarni saqlaganlikda aybdor, deb topilgan. U belgilangan jazoni oʻtagach, Oʻzbekistonga deportatsiya qilinishi maʼlum qilindi.

TOSHKENT, 8 yanv — Sputnik. Aydaxo shtati Federal sudi oʻzbekistonlik Fazliddin Qurbonovni terrorchilarni qoʻllab-quvvatlashda va portlovchi moddalarni saqlashda aybdor, deb topib 25 yil qamoq jazosiga hukm qildi, xabar qiladi AQSH Adliya vazirligi.

"Fazliddin Qurbonov Oʻzbekistonda taʼqiqlangan “Oʻzbekiston islom harakati” terrorchilik uyushmasiga moddiy yordam berishga harakat qilgan hamda qoʻlbola bomba yordamida jangarilari koʻmagida AQSH hududida teraktlarni amalga oshirmoqchi boʻlgan”, — taʼkidlaydi AQSH bosh prokurorining milliy xavfsizlik boʻyicha yordamchisi Jon Karlin.

Qurbonov “Oʻzbekiston islom harakati” vakillari bilan Skayp orqali muloqotga chiqqan kunning oʻzidayoq AQSH Federal Tergov Byurosi tomonidan nazoratga olingan. Byuro maʼlumotiga koʻra, Qurbonov terrorchilar bilan amerikaliklarga nisbatan dushmanchilik kayfiyatida ekanligi, AQSH hududida, jumladan, Aydaxo va Texasdagi harbiy bazalarda portlashlar sodir etish uchun bomba yasamoqchiligini muhokama qilgan.

Qurbonov hibsga olinmasidan oldin uzoq vaqt davomida AQSH Federal Tergov Byurosi kuzatuvida boʻlgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala