Iqtisod

Oʻzbekiston TAPI va Nabukko loyihalariga qoʻshilishni rejalashtirmagan

© Sputnik / Grigoriy Sыsoyev / Fotobankka oʻtishMagistral gaz oʻtkazish tizimi boʻlagi
Magistral gaz oʻtkazish tizimi boʻlagi - Sputnik Oʻzbekiston
Oʻzbekiston neft va gaz sanoatining eksport vazifalarini Sharqiy hamda Rossiya yoʻnalishidagi gaz quvurlari amalga oshirmoqda. Respublika Xitoy yoʻnalishida eksportni rivojlantirish niyatida.

TOSHKENT, 21 apr — Sputnik. Oʻzbekiston milliy gaz transport tizimini Nabukko va TAPI loyihalariga ulashni rejalashtirmagan, dedi “Oʻzneftegaz” vakili Sputnik muxbiriga.  

Suhbatdoshning soʻzlariga qaraganda, hozirgi iqtisodiy vaziyatda, neft va gaz sohasining bir necha ustuvor yoʻnalishlari bor. Masalan, suyultirilgan uglerodli gaz ishlab chiqarish hajmini oshirish.

Xalqaro gaz uzatish tizimlariga ulanish masalasiga kelsak, yaqin kelajakda asosiy faoliyat, sharqiy yoʻnalishda – Xitoy tomonga qarab olib boriladi. Gap “Oʻzbekiston – Xitoy” toʻrtinchi gaz qurvuri qurilishi haqida ketmoqda.  

“Biz hozircha TAPI va Nabukko loyihalariga qoʻshilishni rejalashtirganimiz yoʻq. Bizning eksport imkoniyatlarimiz Sharqiy va Rossiya yoʻnalishida boʻlgan gaz quvurlari orqali toʻliq ishlatilmoqda. Kelajakda Xitoy yoʻnalishidagi oqimlarni kengaytirmoqchimiz. Rejalashtirilayotgan toʻrtinchi gaz quvuridan oʻzbek gazi emas boshqa mamlakat gazi oʻtadi”, — dedi kompaniya vakili.  

TAPI loyihasi Turkmaniston gazini Afgʻoniston, Pokiston va Hindistonga yetkizib berishi kerak. Uni ishga tushirish 2017 yilga moʻljallangan.

Nabukko loyihasi esa Turkmaniston va Ozarbayjon gazini Yevropa Ittifoqi mamalkatlariga, asosan Avstriya va Germaniyaga yetkizib berishni koʻzda tutgan. Uning quvvati yiliga 32 mlrd kubometrni tashkil qiladi.  

“Oʻzbekneftegaz” quvvati yiliga 60-70 milliard kubometr gaz qazib olish imkonini beradi. 2020 yil oxirigacha kompaniya bir necha loyihalarni oʻzlashtirishni rejalashtirigan. Buning natijasida gaz qazib olish quvvati 8,5 mlrd kubometrga, transport qilish quvvati 21 milliardga va suyultirilgan gaz ishlab chiqarish quvvati 361 ming tonnaga oshadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala