TOShKENT, 26-may — Sputnik. Saudiya taraqqiyot jamg‘armasi Qoraqalpog‘istonda namunaviy uylar qurilishiga 30 million dollar ajratishga tayyorligini bildirdi. Ikki davlat o‘rtasida tegishli shartnoma imzolandi, deb xabar qilishdi Sputnik muxbiriga Iqtisodiyot vazirligida.
"Bu saudiyachilarning birinchi transhi emas. O‘tgan yilning o‘rtalarida ham saudiyachilar Xorazm viloyati qishloqlarida 959ta namunaviy uylar qurilishiga 30 million dollar ajratishgan edi. Namunaviy qurilish ishlarini kreditlashtirish loyihasida ikkita xalqaro moliya institutlari – Islom Taraqqiyot banki va Osiyo taraqqiyot banki ishtirok etmoqda”, — deb ta’kidladi manba.
