TOShKENT, 16-iyun — Sputnik. Numbeo portali tomonidan tuzilgan Cost of Living Index reytingida O‘zbekiston Markaziy Osiyo davlatlari ichida yashash indeksi eng qimmat bo‘lgan mamlakat sifatida qayd etildi. 2016-yilgi reytingda yashash eng qimmat bo‘lgan 122 mamlakat orasida O‘zbekiston 72-o‘rinni egalladi.
Reytingni tuzishda iste’mol narxlari indeksi, turar joy ijarasi, oziq-ovqat mahsulotlari narxi, restoranlardagi narx-navo va aholining sotib olish imkoniyatlari hisobga olingan.
Bermud, Shveysariya, Bagama, Norvegiya hamda Islandiya davlatlari mazkur reytingda dunyodagi eng qimmat mamlakatlar sifatida qayd etildi.
O‘zbekiston ushbu reytingda 72-o‘rinni egalladi. O‘tgan yilgi reytingda mamlakatimiz 59-o‘rinni egallagan edi.
Reytingga ko‘ra, Hindiston, Moldova, Pokiston, Qozog‘iston va Nepal mamlakatlarida yashash birmuncha arzon.
