OAV: Erdo‘g‘on suriyalik qochoqlarga Turkiya fuqaroligini taklif etdi

TOShKENT, 4-iyul — Sputnik. Turkiya Anqara va Brussel o‘rtasidagi kelishuv amalga oshishini imkon qadar murakkablashtiruvchi odimga yo‘l qo‘ymoqda, deb xabar bergan RIA Novosti.

"Bugun shu yerdagi aka-ukalarimiz va opa-singillarimiz uchun yaxshi xabarlarim bor. Oralaringizda Turkiya fuqaroligini olmoqchi bo‘lganlar bor. Ichki ishlar vazirligimiz shu yo‘nalishda ish olib bormoqda. Turkiya sizning ham uyingiz", deb ta’kidlagan o‘z chiqishida Turkiya prezidenti Rajab Toyib Erdo‘g‘on.

Erdo‘g‘on o‘zining bu taklifi bilan Turkiyaning Suriya bilan chegaradosh bo‘lgan Kilis shahrida chiqish qildi. Suriyada fuqarolar urushi boshlangandan beri Kilis aholisi soni ikki marotaba ortgan. Erdo‘g‘onning so‘zlariga qaraganda, Turkiyada qochqinlar sifatida ro‘yxatga olinganlar son6i 2,7 millionni tashkil qiladi.

Turkiya prezidenti fuqarolik berilishi jarayoni ikir-chikirlari, uning muddati va fuqarolikka ega bo‘lish uchun taqdim etiladigan ariza mezonlari haqida aytib o‘tmagan. Shu bois, deb yozadi nashr, prezidentning ushbu so‘zlariga "kelajakda amalga oshirilishi mumkin bo‘lgan reja" sifatida qarash lozim.