TOShKENT, 18-iyul — Sputnik. Turkiyada davlat to‘ntarishini amalga oshirishga urinish harakatlari o‘ta shiddat bilan ro‘y berdi, deb ta’kidlamoqda respublikachilar partiyasidan AQSh prezidentligiga nomzod Donald Tramp. RIA Novosti xabari asosida.
Shu bilan birga milliarder isonning bu qadar tezlikda amalga oshirilganidan "hayratda" ekanligini ma’lum qilgan.
O‘z navbatida, Indiana shtati gubernatori Maykl Pens bo‘lib o‘tgan hodisada Xillari Klintonni aybdor qilgan.
"Bu masala AQShning dunyodagi roli susaygani bilan bog‘liqligiga shubha qilmayman. Nissadagi mudhish terakt, AQShdagi hujumlar, Turkiyadagi — davlat to‘ntarishiga olib kelgan nostabil ahvolni ko‘rib turib, bularning barchasi Xillari Klinton va Barak Obamaning o‘zgalar ketida turib amalga oshirgan siyosati natijasi, degan fikrga boraman", — deya bayonot qilgan Pens.
Eslatib o‘tamiz, AQSh prezidentligiga saylovlar 8-noyabr kuni o‘tkaziladi. Hozirda prezidentlik poygasida Xillari Klinton yetakchilik qilmoqda. Ma’lumotlarga qaraganda Xillari uchun amerikaliklarning — 45,5%i, Tramp uchun esa — 32,9%i ovoz bergan.
