TOShKENT, 19-iyul — Sputnik. Toshkentdagi I Xalqaro meva-sabzavot yarmarkasi davomida umumiy qiymati 2 mlrd $ dan ortiq bo‘lgan 270 shartnoma imzolandi, “Jahon” axborot agentligi xabari asosida.
“O‘zbekoziqovqatxolding” kompaniyasi xabariga ko‘ra, eksport qilinadigan mahsulotlarning 27% — sabzavotlar, 25% — uzum, 20 % — mevalar, 17,6 % — quritilgan va qayta ishlangan mahsulotlar, 8,4 % — dukkakli mahsulotlar va 2% — qovunlardir. Yarmarka tugaganiga qaramasdan shartnomalar imzolash davom etmoqda.
Yarmarka doirasida bo‘lib o‘tgan “O‘zbekiston meva-sabzavot mahsulotlari ustuvorliklari” anjumanida mutaxassislar O‘zbekistonda yetishtirilgan oziq-ovqat mahsulotlarining sifati haqida fikr almashishdi. Anjumanda turli mamlakat mutaxassislari meva, sabzavot va poliz mahsulotlari yetishtirish, saqlash, qayta ishlash, transportirovka qilish, zarakunanda hashorotlardan saqlash, seleksiya va suvni tejaydigan texnologiyalardan foydalanish borasida fikr almashdilar.
Yarmarkada ho‘l va quruq mevalar, sitrus mevalari, sabzavotlar, poliz mahsulotlari, dukkakli mevalar bo‘limlari mavjud edi. Undan tashqari alohida bo‘limda turli oziq-ovqat texnologiyalari, xolodilniklar, transport va logistika qurilmalari taqdim qilingan edi. O‘zbekistonning turli hududlaridan 170ga yaqin
Birinchi Toshkent Xalqaro Meva-sabzavot yarmarkasiga dunyoning turli mamlakatlaridan 300 ga yaqin vakillar kelishdi. Ular orasida AQSh, Buyuk Britaniya, BAA, Janubiy Koreya, Yaponiya, Italiya, Fransiya, Malayziya, Hindiston, Rossiya, Latviya, Ozarbayjon, Turkmaniston, Eron, Afg‘oniston, Qozog‘iston va boshqa mamlakatlar vakillari bor.
Bu turli mamlakatlar vakillarining O‘zbekiston bilan hamkorlikka bo‘lgan yuqori qiziqishining va ikkinchidan, O‘zbekistonda sarmoyalar biznes yuritish uchun qulay sharoitlar yaratilgani belgisidir.
