Erdo‘g‘on 9-avgust kuni Sankt-Peterburgga tashrif buyuradi

TOShKENT, 26-iyul — Sputnik. Turkiya Bosh vaziri o‘rinbosari Mexmet Shimshek rossiyalik hamkasbi Arkadiy Dvorkovich bilan uchrashuvda Turkiya prezidenti Toyib Erdo‘g‘on 9-avgust kuni Sankt-Peterburg shahriga safar uyushtirishini ma’lum qildi, deb xabar bermoqda RIA Novosti.

"Janob elchining bizga bergan xabariga ko‘ra, hurmatli prezidentimiz (Rajab Toyib Erdo‘g‘on) 9-avgust kuni Peterburgda bo‘lishini tasdiqlagan", — degan Shimshek.

Turkiya vitse-bosh vazirining ta’kidiga ko‘ra, davlatlar ikkiyoqlama munosabatlarni iloji boricha tezroq yaxshilash harakatida.

Eslatib o‘tamiz, Rossiya va Turkiya munosobatlari o‘tgan yilning kuzida, Suriya osmonida Rossiya Havo-Kosmik kuchlariga qarashli bo‘lgan Su-24 bombardimonchi samoyoti Turkiya qiruvchi samolyoti tomonidan urib tushirilganidan keyin, keskin o‘zgargan edi. Parashutda sakragan rossiyalik uchuvchi Oleg Peshkov terrorchilar tomonida jang qilayotgan Turkiya fuqarosi tomonida otib tashlangan edi. Rossiya prezidenti Vladimir Putin ushbu voqeani “Terrorchilar hamtovoqlari tomonidan zimdan berilgan zarba” deb atagan va Turkiyaga qarshi keng ko‘lamli iqtisodiy sanksiyalar kiritgan edi.

Iyun oyi oxirida esa Turkiya prezidenti Rossiya prezidenti nomiga maktub yo‘llab, unda Suriyada qurbon bo‘lgan uchuvchi o‘limi uchun kechirim so‘radi. Ana shundan so‘ng Kreml hukumati ikkiyoqlama munosabatlarni qayta tiklash haqida takliflarni ko‘rib chiqishga roziligini bildirgan edi.