Jamiyat

Oʻzbekistonda paxta dalalari hajmi 10% ga kamayadi

Paxtadan ozod boʻlgan maydonlarda esa, yangi texnologiyalar asosida meva-sabzavot mahsulotlari yetishtirila boshlaydi.

TOSHKENT, 28 iyul — Sputnik. Ushbu yilda ekin maydonlaridan foydalanish samrasini oshirish maqsadida, paxta ekiladigan dalalar maydoni 30,5 ming gektarga kamaytiriladi. Ushbu maydonlar asosan hosildorligi kam boʻlgan yerlar hisobiga amalaga oshiriladi, deb xabar qilmoqda Oʻzbekiston Iqtisodiyot vazirligi.  

Paxta xom ashyosi ishlab chiqarish hajmi yaqin yillarda 350 ming tonnaga kamayib, 3 mln tonnani tashkil qiladi.

Paxtadan ozod boʻlgan ekin maydonlarida, birinchi navbatda kartoshka, sabzavotlar, ozuqa ekinlari, moy ishlab chiqarishga kerak boʻladigan oʻsimliklar, bogʻlar va uzumzorlar yaratiladi.

Ekin maydonlarining samaradorligini oshirish va zamonaviy qishloq xoʻjalik texnoligiyalarini kiritish natijasida, 2020 yilga kelib donli mahsulot yetishtirish hajmini 16,4 %ga, kartoshka yetishtirish hajmini 35%ga, boshqa sabzavotlar hajmini 30% ga, meva va uzum yetishtirish hajmini 21,5 %, goʻsht hajmini 26,2 %ga sut hajmini 47,3 %, tuxum 74,5 %, baliq hajmini esa 2,5 baravarga oshirish rejalashtirilgan.

Fermer xoʻjaliklari soni 17,6 mingtaga oshib, Oʻzbekistonda fermerlarning umumiy soni 101 ming kishini tashkil qildi.

2016 yilning yanvar-iyun oylarida Oʻzbekiston meva va sabzavotlar eksporti hajmini 30% ga oshirib – 354 ming tonnaga yetkizdi.

Umumiy eksport qilingan mevalar hajmining 270 ming tonnasini sabzavotlar, 130 ming tonnasini uzum, 1,3 ming tonnasini poliz mahsulotlari tashkil qildi. Vazirlik rasmiy xabariga koʻra, umumiy eksportning 60-65% Rossiyaga eksport qilingan mahsulotlar tashkil qilgan.

Rasmiy maʼlumotlarga koʻra, 2020 yilga qadar Oʻzbekistonda 170,5 ming  gektar sugʻoriladigan yerlar paxtadan ozod qilinadi. Ushbu maydonlar asosan shoʻrlagan va togʻli hududlarga yaqin boʻlgan, paxta ekishga yaroqsiz yerlardir.  

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala