TOShKENT, 14 sen — Sputnik. Cal oldin O‘zbekiston prezidenti v.b. Shavkat Mirziyoyev hukumat tarkibiga o‘zgartirishlar kiritishni boshlagani haqida xabar bergan edik.
14 Sentabr 2016, 13:52
Jumladan, O‘zbekiston bosh vaziri birinchi o‘rinbosari, moliya vaziri Rustam Azimov ta’lim va fan sohalariga ham rahbarlik qilish yuklatilgani haqida yozgan edik.
O‘zbekiston Prezidenti vazifasini bajaruvchi Shavkat Mirziyoyevning 13-sentabrdagi farmoniga muvofiq Adham Ikromov O‘zbekiston bosh vazirining o‘rinbosari, Sog‘liqni saqlash, ekologiya, atrof-muhitni muhofaza qilish, jismoniy tarbiya va sport masalalari kompleksi rahbari lavozimiga tasdiqlandi.
"Shu munosabat bilan Adham Ikromov O‘zbekiston bosh vazirining o‘rinbosari, Sog‘liqni saqlash, ekologiya va atrof-muhitni muhofaza qilish masalalari kompleksi rahbari lavozimidan ozod etildi", — deyiladi O‘zbekiston hukumati portali axborotida.
